Hargeysa (Dawan) Jamhuuriyadda dimuqraadiga ee Kongo ayaa bilowday talaalka cudurka Ebola kadib markii kiisas ka mid ah cudurkan laga diwaangeliyay qaybo ka mid ah dalkaasi.
Laba qof ayaa ku dhintay dhawaan magaalada Mbandaka ee waqooyi-galbeed, sida uu ku dhawaaqay xafiiska Ururka Caafimaadka Adduunka ee WHO gaar ahaan qeybtiisa Afrika.
“Sannadihii lasoo dhaafay, iyadoo taageero laga helayo WHO iyo la-hawlgalayaasha kale iyo deeq-bixiyeyaasha, waddanku wuxuu horumariyay khibrad oo awood u leh inuu kor u qaado jawaabta Ebola ee waxtarka leh,”Ayaa lagu yidhi bayaan ka soo baxay hay’adda caafimaadka Adduunka.
“Iyadoo la adeegsanayo tallaalo wax ku ool ah iyo khibradda shaqaalaha caafimaadka ee Jamhuuriyadda Dimuqraadiga ah ee Kongo ee jawaabta Ebola, waxaan si dhakhso ah u bedeli karnaa cudurkan si ka wanaagsan, sidii hore”Ayuu yidhi agaasimaha WHO ee Afrika Matshidiso Moeti.
Jamhuuriyadda dimuqraadiga ee Kongo ayaa ka mid ah dalalka Afrika ee sida ban uu sameeyay cudurka Ebola kaasoo galaftay nolosha dad badan.