Safiir Dr. Barwaani oo baro-bixiyey Safiirka Soomaaliya kulan shalay lagu casuumay
Nayroobi-(Dawan):- Safiirka Somaliland ee Dalka Kenya Dr. Maxamed Axmed Maxamuud (Barwaani) ayaa baro-bixiyey safiirka Soomaaliya u joogay Kenya Maxamed Axmed . Tarsan, kulan Madaxweynaha Kenya Uhuru Kenyata ku casuumay dublamaasiyiinta dalalka caalamka u jooga dalka Kenya shalay.
Madaxweyne Kenyata oo khudbadiisi u dambaysay u jeedinayey shalay kulan ku qaabilay dublamaasiyiinta caalamka u jooga dalka Kenya,ka dib markii kulanka dublamaasiyiinta Madaxweynaha Kenya uu ku casuumay uu furmay,ayaa waxaa shirkaa ka cadhooday isla markaana iskaga baxay safiirka Soomaaliya u jooga Kenya , ka dib markii uu ku arkay calanka Somaliland Somaliland oo ku dhexjira calamadii madasha ka lushay.
Safiirka Somaliland ee dalka Kenya Dr. Barwaani oo wargeyska Dawan wax ka weydiiyey dhacdada ayaa xaqiijiyey inuu madasha ka baxay Safiirka Soomaaliya, waxaanu yidhi,
“Mardhoweyd ayuu noo soo dhamaaday martiqaad Madaxweynaha dalka Kenya Md. Uhuru Kenyata uu ku sagootiyayey dublamaasiyiinta caalamka u jooga dalka Kenya, isla markaana lagu guddoonsiiyey bilad-sharaf.
Dr. Barwaani ayaa sheegay in Safiirka Soomaaliya kulanka markuu bilaabmay ka soo baxay, balse aanu cidna bixitaankiisu saamayn ku yeelan, ee kulankii martiqaadku jawi fiican ku soo dhamaaday.