Hargeysa (Dawan)Xoghayaha guud ee Xisbiga KULMIYE Faysal Cabdiraxmaan Madar ayaa sheegay in shacabka Somaliland la yaabban yihiin hab dhaqanka Xisbiyadda Mucaaradka.
Faysal Cabdiraxmaan Madar ayaa sheegay in wax ku cusub dalka ay tahay dadkii dhaqanka ahaa oo durbaanada dagaal tumaya,waxaanu usoo jeediyay in ay ku koobnaadaan hawlaha dhaqanka.
Faysal Madar oo Arimahaa ka hadlayayna Waxa uu yidhi”Waxaa innagu cusub baryahan dambe oo Wadankeena aan looga baran dadkii dhaqanka ee ay ahayd in ay Umadda kala qaboojiyaan oo durbaanada sharka tumaya,taasi wax aynu hore u aragnay maaha dhaqanka in ay ku koob naadaan ayay ahayd dhaqankooda.Siyaasiyiintii Xisbiyadda Mucaaradka habdhaqankoodii waxa la yaabban Umadii reer Somaliland iyo aduunwaynihii. qoriga qaata oo dagaalama hadal kaasi muxuu dhadhamayaa,ubadkii yaryarayaa ayaa la odhanayaa Mujaahidiin ayaa tihiin Mujaahidka maanu ahayn kii gaalada lala diriri jiray yaa lagu Mujaahidayaa,”.
Faysal Madar ayaa sheegay in loo baahanyahay in shuruucda dalka u taalla la raaco.Waxaanu yidhi”Waa in shuruucda dalka la raaco,Mudaharaadku wuu kala qurux badan yahay waxaana ay kaga duwan yihiin Mudaharaadadii hore hadii dadkii Xisbiyada Mucaaradka hoggaaminayay hor socdaan Mudahraadka,sidee dalku inoogu hagaagayaa,wakhtigii uu Ururkii Xaqsoor uu dhacay dhallinyaro ayaa rabshadaha riday madaxdii xaqsoor kulamay socon oo degenaanshaha iyo Nabada ayay ku baaqayeen,”.