Horyaalka naadiyada Yurub ee Champions League ee xilli ciyaareedka cusub ee 2022-23 ayaa caawa bilaabmaya iyadoo kulamadii koowaad ee wareegga group-yada ay kooxuhu foodda isku-dari doonaan.
Tartankan oo kulankiisa ugu damabeeya ee Finalka lagu ciyaari doono magaalada Istanbul ee waddanka Turkey marka ay taariikhdu tahay June 2023, ayaa waxa wareeggiisa hore ee group-yada ka qayb-gelaya 32 kooxood, balse sannado kaddib ayuu qorshuhu yahay in lasii kordhiyo tiradaas.
Waqtigii caadiyan uu tartanku dhamaan jiray ayaa sannadkan dib uu uga dhici doonaa sabab la xidhiidha Koobka Adduunka, sidoo kalena sanka la isku gelinayaa oo la soo dedejinayaa kulamada la ciyaaro.
Sida ay kooxuhu iskugu beegmeen wareegga group-yada:
Group A: Ajax, Liverpool, Napoli, Rangers
Group B: Atletico Madrid, Bayer Leverkusen, Club Brugge, Porto
Group C: Barcelona, Bayern Munich, Inter Milan, Viktoria Plzen
Group D: Frankfurt, Marseille, Sporting Lisbon, Tottenham
Group E: Chelsea, Dinamo Zagreb, Salzburg, AC Milan
Group F: Celtic, RB Leipzig, Real Madrid, Shakhtar Donetsk
Group G: Dortmund, Copenhagen, Manchester City, Sevilla
Group H: Benfica, Juventus, Maccabi Haifa, Paris Saint-Germain
Qiimayn lagu sameeyey 32kan kooxood iyo boosaska ay horyaalka naadiyada Yurub kaga dhamaysanayaan ayaa rajo la’aan ka dhigtay dersin kooxo ah, halka kuwo kalena ay ugu sii bushaaraysay inay illaa kulamada ugu dambeeya tegi doonaan.
Manchester City oo si weyn isku xoojisay ayaa sannadkan ka aarsan doonta Real Madrid oo semi-finalka ku reebtay sannadkii hore, waxaanay u adeegsan doonaan in ay karbaashaan kooxda reer Spain weeraryahankooda goolasha saaxiibka la ah ee Erling Haaland.
Pep Guardiola oo 11 sannadood ka hor ay ugu dambaysay in uu ku guuleysto Champions League ayaa sida uu saadaaliyey wargeyska Daily Mirror waxay kooxdiisa finalka iskugu iman doonaan Real Madrid oo koobka difaacanaysa, isla markaana uu hoggaaminayo Karim Benzema oo 15 gool taratankan ka dhaliyey xilli ciyaareedkii hore.
Khubarada saadaasha iyo qiimayntan samaysay ayaa waxay isku raaceen in Manchester City ay awood ku muquunin doonto Real Madrid oo aanu shaqayn doonin nasiibkii waqtiga dambe ee Carlo Ancelotti ee xilli ciyaareedkii hore iyada oo Pep Guardiola uu guul niyadda gashaday ay daqiiqadihii ugu dambeeyey goolasha ka dhaliyeen.
Halkan kaga bogo qiimaynta boosaska ay kooxuhu ku dhamaysan doonaan
- Viktoria Plzen
- Maccabi Haifa
- FC Copenhagen
- Dinamo Zagreb
- Club Brugge
- Rangers
- Shakhtar Donetsk
- Salzburg
- Sporting Lisbon
- Bayer Leverkusen
- Celtic
- Sevilla
- Leipzig
- Marseille
- Eintracht Frankfurt
- Benfica
- Ajax
- Porto
- Inter Milan
- Juventus
- Napoli
- Borussia Dortmund
- Atletico Madrid
- AC Milan
- Tottenham Hotspur
- Barcelona
- Chelsea
- Bayern Munich
- Paris Saint-Germain
- Liverpool
- Real Madrid
- Manchester City
