Hargeysa (Dawan):-Xisbiga talada dalka haya ee KULMIYE ayaa u magacaabay Maxamed Axmed Cali (Darmaan) in uu noqdo Guddoomiyaha Xisbiga KULMIYE ee Gobolka Sool.
Guddoomiye-ku-xigeenka 2aad ee xisbiga KULMIYE Axmed Cabdi Xuseen (Axmed Cabdi-dheere), ayaa wareegto uu soo saaray shalay ku magacaabay Maxamed Axmed Cali (Darmaan) in uu noqdo Guddoomiyaha cusub ee Xisbiga ee Gobolka Sool.
Waxaana ay u dhignayd Sidan.
“Maanta(shalay) oo taariikhda tahay 14/9/2022 waxa aan go,aamiyay in aan u magacaabo Guddoomiyaha Gobolka Sool ee Xisbiga KULMIYE masuulka magaciisu yahay Mudane Maxamed Axmed Cali (Darmaan).
Waxaan u rejaynayaa Guddoomiyaha cusub ee Gobolka Sool in uu ILLAAHAY Xilkaa la garab galo.”.