Hargeysa(Dawan):- Wasiirka wasaarada horumarinta biyaha Somaliland cali xasan maxamed ( Cali Mareexan )oo maalmihi u danbeyey ku sugnaa gobolada bariga Somaliland ayaa hadhimo sharafeed ku maamuusay madax dhaqameedka, cuqaasha, wax-garadka, dhallinyarada iyo labeenta ka soo jeeda degaanka dhagax dheer dheryelay ,taallo buur, degaanada ka sarreeya xuduudka Somaliland ee Itoobiya.
Wasiirka ayaa Madaxdhaqameedka iyo waxgaradka uu hadhimo sharafeedka ku maamuusay, ka wada hadleen mashaariicda horurmarineed ee wasaarada biyaha Somaliland ka qabanayso degaanadaasii ay ka soo jeedaan madax dhaqameedka odayaasha casuumadda uu u sameeyay.
Waxaa kulankaasi goob joog ka ahaa maareeyaha wakaalada biyaha Burco Sakariye Cabdiraxmaan Maxamuud
Ugu horrayn waxaa halkaasi ka hadlay Jiif Caaqil Axmed Maxamed Xaaji Xasan iyo Jiif Caaqil Saleeban Cawl iyo odayaal kale waxaanay wasiirka wasaarada biyaha Somaliland Cali Mareexan uga mahad naqeen kulankasi hadhimo sharafeedka ah iyo sidoo kale riig cusub oo wasaarada biyaha Somaliland ka hir gelinayso degaanka dhagax dheer ee gobolka Togdheer iyo mashaaricaha dhinaca biyaha ah ee wasaararaddu ka qaban doonto degaanadasi
dhinaca kale waxay madax dhaqameedku caddeeyen in ay taagersan yihin siyaasayada xukuumada talada dalka haysa ee uu gadh wadeenka ka yahay madaxwayne Muuse Biixi Cabdi iyo xisbiga KULMIYE
waxanay madax dhqameedkaasi ay ballan qaaden in ay la shaqayn doonan wasiirka wasaarada biyaha somaliland cali xasan maxamed
gabagabadii wasiirka wasaarada horumarinta Somaliland Cali Mareexan ayaa madax dhaqameedka iyo cuqaasha uga mahad naqay ka soo qayb galka hadhimo sharafeedkasi waxaan uu wasiir cali xasan maxamed balan qaaday in wasaarada biyaha somaliland riig biyood ka taagi doonta degaanka dhagax dheer ee gobolka Togdheer
isagoo wasiirka wasaarada biyaha Somaliland hadhimo sharafeedkaasi ka caddeeyey sida ay wasaarada biyaha Somaliland uga go,antay horumarinta mashaariicda ku saabsan dhinaca biyaha ee degaanadaasi.