Dilalka saxafiyiinta adduunka ayaa kor u kacay 50% sanadkii 2022 marka loo eego sanadkii ka horeeyay, iyada oo inta badan ay ka dambeeyeen weeraro ka dhacay Ukraine, Mexico iyo Haiti.
Sida lagu sheegay warbixin ay soo saartay guddiga difaaca suxufiyiinta ee fadhigoodu yahay magaalada New York, ugu yaraan 67 ka mid ah shaqaalaha warbaahinta ayaa lagu dilay adduunka oo dhan sanadka 2022, tiradaas oo ah tiradii ugu badneyd tan iyo 2018. Saxafiyiinta saddexda dal ayaa sheegay in khatarta sii kordheysa ay ku qasabtay in ay ku shaqeeyaan cadaadis aad u daran. .
Saamayntan ayaa si gaar ah looga xusay Haiti, halkaas oo todoba suxufi lagu dilay 2022, tiro aad u badan oo jasiirad yar ah oo ay ku nool yihiin 12 milyan oo qof. Qaar ka mid ah waxaa dilay kooxo rabshado wata oo ka dhacay caasimadda Port au Prince, laakiin ugu yaraan laba ayaa waxaa toogtay booliska.
Weriyaha Radio Caribes Mackenson Remy, oo weli soo tebiya wararka waddada, ayaa sheegay in saxafiyiinta aanay hadda garaneyn cidda ay ku kalsoon yihiin.
“Wararka ka imaanaya Haiti maalmahan aad ayay ugu adag tahay saxafiyiinta, gaar ahaan caasimadda,” Remy ayaa yidhi. “Musuqmaasuqa meel walba wuu ka jira, ma jirto cid aad ku xisaabtami karto. Remy wuxuu isbarbar dhigay wadista shaqadiisa iyo waddooyinka magaalada, oo lagu xardhay Gaangiska.
CPJ waxa ay xustay in in ka badan kala badh—35 ka mid ah 67 dil ay ka dhaceen kaliya saddex dal oo kala ah Ukraine, Mexico iyo Haiti. Mexico waxay aragtay 13 ka mid ah shaqaalaha wararka oo la dilay, sida ay sheegeen guddiga.
Kooxaha kale ee warbaahinta ayaa tirada ku sheegay 15, taas oo ka dhigaysa 2022 kii ugu dhimashada badnaa ugu yaraan soddon sano ee saxafiyiinta Mexico. Ukraine oo ay dagaalladu ka socdaan, 15 ka mid ah shaqaalaha wararka ayaa lagu dilay sannadkii hore, sida ay sheegtay CPJ.
CPJ waxay sheegtay inay xaqiijisay in 41 ka mid ah 67-da suxufi la dilay “iyada oo lala xidhiidhinayo shaqadooda,” waxayna sheegtay inay baadhayso sababta 26-ka wariye ee kale loo dilay.
CPJ waxay sheegtay in saxafiyiinta soo tebiya dagaalka Ukraine “ay wajahayaan khatar aad u weyn.”
“Xubnaha saxafada ayaa inta badan waxaa ku waxyeeloobay duqeymaha xilliyada ay ka warbixinayaan iskahorimaadka, qaarkoodna waxay soo sheegaan in lala beegsaday ciidamada Ruushka,” ayay guddiga ku sheegeen warbixintooda.
Mexico, dilku wuxuu u muuqday mid ka dhashay isku dhafka kooxaha daroogada, musuqmaasuqa siyaasadeed ee maxalliga ah iyo ciqaab la’aanta gacan-ku-dhiiglayaasha geysta dilka wariyeyaasha.
Baadhayaasha ayaa sheegay in maamulaha kooxaha daroogada ee maxalli ah uu siiyay rag hubaysan ilaa $1,000 si ay u dilaan sawir qaadaha wararka sababta.
Sidoo kale ciidamada ayaa gacanta ku soo dhigin kuwa amra dilka wariyeyaasha ee Saraakiisha ah, laakiin waxay soo qabtaan Askar hoose. Fariinta wariyeyaashu u sheegeen CPJ “ Qof waliba wuxuu ku dilayaa $1,000, hadii la siiyo” halkaas ayey taagan tahay Nolosha wariyeyaashu.