Salaxley (Dawan) Xildhibaan Cabdinaasir Yuusuf Qodax, oo ka mida mudanayaasha golaha wakiillada Somaliland, ayaa Laydhka Tamarta Cadceeda ka hirgeliyay Magaalooyin ka tirsan degmooyinka Daroor, Sallaxley iyo Xaaji Cabdi Xuseen.
Magaalooyinka uu xildhibaan Cabdinaasir Yuusuf Qodax ka dhagax-dhigey banaamijka iftiiminta iyo daarista Ilayska qoraxda ku shaqeeya waxaa ka mid ah, Toon, Dhimbiriyaale, Hunduli, Laanqaynta Qool-dhuxulaale, Sanqoole, Kaam Iidle, Abokor, Gaashaanka iyo Aadan Waraabe.
Xildhibaan Cabdinaasir Yuusuf Qodax ayaa sheegay in mashruucan iftiimintu uu ka hirgeli doono 45 magaalo oo ka tirsan degmooyinka Sallaxley, Daroor, Xaaji Cabdi Xuseen iyo Bali-mataan, waxaanu ballanqaaday in uu siiwadi doono horumarinta adeegyada bulshada.
Bulshada degaanadaasi ku nool ayaa xildhibaanka uga mahadceliyay hirgelinta Laydhka ku shaqeeya tamarta qoraxda, waxaanay xuseen in ay baahi weyn uqabeen, waxaanay intaas ku dareen in uu xildhibaan Cabdinaasir Yuusuf Qodax yahay mudane la dareena bulshadiisa.