Hargeysa(Dawan):-Guddoomiyeyaasha Urur-siyaasadeedyada Horseed Cabdilaahi Xuseen Iimaan Cabdilaahi Darawal iyo Shacabka Somaliland Maxamed Warsame ayaa soo jeediyay in baadhis lagu sameeyo dabkii ka kacay Suuqa Magaalada Wajaale oo ay ku shufbeeleen hantidii taalay.
Cabdilaahi Xuseen Iimaan iyo Maxamed Warsame oo shalay si wada jir ah Warbaahinta ula hadlay ayaa sheegay in loo baahanyahay in laga taxadiro dabka ka kacaya suuqyadaa dalka ee soo noqnoqday.
Cabdilaahi Xuseen Iimaan ayaa tilmamay in ay muhiim tahay in la baadho waxa keenay dabka qabsaday suuqa Wajaale.Waxaanu yidhi”Masiibo ayaa ka dhacday Suuqa Magaalada Wajaale, waxaanan ka tacsidaynayaa dadka hantidoodu ku gubatay.waxa muhiim ah wixii kugu dhaca in marlabaad aanay kugu dhicin waa in aad ka taxatirto,waana in la baadho oo la helo sababta keentay dabkan waxaana muhiim ah in la sameeyo taxadir,”.
Sidoo kale Guddoomiyaha Urur Siyaasadeedka shacabka Somaliland Maxamed Warsame ayaa waxa uu ka tacsideeyay dadkii hantidoodu ku gubatay Suuqa Wajaale.Waxaana uu yidhi”Waxa aan ka tacsidaynayaa dadkaa waxyeeladu ka soo gaadhay dabkaa qabsaday Suuqa Wajaale,waxa la yaab leh sannadkii horena waxa gubtay Suuqa Waaheen ee Hargeysa iyo meelbadan,”.