Dadka Armeniyiinta ah oo ka qaxaya Nagorno-Karabakh markii ay qabsatay Azarbayjan

0
106

In ka badan 100,000 oo qof ayaa ka qaxay gobolka Nagorno-Karabakh, sida ay sheegtay Armenia.

Waxay ka dhigan tahay in ku dhawaad ​​dhammaan dadkii ku noolaa deegaanka ee qowmiyadda Armenia ay ka baxeen tan iyo markii Asarbayjan ay qabsatay gobolka usbuucii hore.

Azerbaijan ayaa sheegtay inay doonayso inay dib u soo celiso aaggaas oo ay ula dhaqanto dadka deggan si siman, laakiin afhayeen u hadlay Armenia ayaa sheegay in tani ay tahay “been”.

Nagorno-Karabakh – oo loo aqoonsaday qayb ka mid ah Azerbaijan – waxaa maamulayay qowmiyadaha Armenian muddo soddon sano ah.

Gobolkan buuraleyda ah ee Koonfurta Caucasus waxaa taageeray Armenia iyo sidoo kale xulafadeeda Ruushka.

Ugu yaraan 200 oo ka soo jeeda qowmiyadda Armenia iyo tobanaan askari oo Asarbayjaan ah ayaa dhintay markii ciidamada Asarbayjaan ay gudaha u galeen.

Hoggaamiyaha Jamhuuriyadda ku dhawaaqday madaxbannaanida ee Nagorno-Karabakh ayaa sheegay inay dhammaan doonto jiritaankeeda sannadka cusub.

Nazeli Baghdasaryan, oo ah afhayeenka ra’iisul wasaaraha Armenia, ayaa sheegtay in tirada qaxootiga soo galay waddanka usbuucii la soo dhaafay ay gaadhay 100,417, marka loo eego tirada dadka ku nool Nagorno-Karabakh oo lagu qiyaasay 120,000.

Hay’adda Qaramada Midoobay u qaabilsan qaxootiga ee UNHCR ayaa sidoo kale sheegtay in 100,000 oo qof ay qaxeen, iyada oo sheegtay in qaar badan oo ka mid ah dadka qaxay ay “Gaajo qabaan, daalan yihiin, una baahan yihiin gargaar degdeg ah”.

Artak Beglaryan, oo hore u ahaa sarkaal gooni u goosad ah, ayaa sheegay in “kooxihii ugu dambeeyay” ee dadka deggan Nagorno-Karabakh ay ku sii jeedaan Armenia Sabtida.

“Ugu badnaan dhowr boqol oo qof ayaa soo hadhay, kuwaas oo intooda badan ah mas’uuliyiin, shaqaale gargaar deg-deg ah, tabaruceyaal, dadka baahiyaha gaarka ah qaba,” ayuu ku qoray baraha bulshada.

Leave a Reply