Ra’iisal wasaare Trudeau oo raaligelin bixiyay ka dib markii mujaahid Nazi ah lagu sharfay baarlamaanka dalkaa

0
97

Raiisel wasaaraha Canada Justin Trudeau ayaa Arbacadii muujiyay “raaligelin aan loo meel dayin” isaga oo ku hadlaya magaca Canada oo dhan ka dib markii 98 jir ka tirsanaan jiray ciidamadii Nazi SS lagu maamuusay Jimcihii baarlamaanka dalka.

Anthony Rota oo ahaa afhayeenka Aqalka ayaa Yaroslav Hunka ku casuumay Aqalka Baarlamaanka Kanada, balse waxa uu isu casilay dhacdadan awgeed.

Madaxweynaha Ukraine Volodymyr Zelenskyy, ayaa xilligaas booqasho ku joogay Canada, Zelenskyy iyo Trudeau labadooduba waxay ka soo jeedaan Yuhuud. Waxaana laga yaabay sababta isku soo beegtay in labadan kala duwan lagu soo casuumo Baarlamaanka.

Zelenskyy wuxuu isna hadallo ka jeediyey fadhigii wadajirka ahaa ee sharci dejinta ee Jimcihii waxaana loo tumay sacab la mid ah kii loo tumay  Yaroslav Hunka.

Hunka, oo hadda haysta dhalashada Kanada, ayaa mar ka dagaallamay qaybta 14-aad ee Waffen Grenadier, oo ah unug SS ah oo ku dhawaaqay inay daacad u yihiin Hitler oo ay la dagaallameen ciidamadii Soofiyeeti ee madaxbannaanida Ukraine.

Anthony Rota, Afhayeenkii hore waxa uu sheegay in markii danbe uu ka war helay macluumaad dheeraad ah” oo ku saabsan waayihii hore ee Hunka, wuxuuna raaligelin siiyay xubnaha kale ee Baarlamaanka.

Rota ayaa xilka ka dagay ka dib markii uu cadaadis kala kulmay kooxaha dhaqdhaqaaqa Yuhuuda.

Rota umuu sii sheegin Trudeau ama Zelenskyy in Hunka lagu casuumi doono golaha.

Karina Gould, oo ah hogaamiyaha guriga Kanada, ayaa u sheegtay The New York Times in haddii ay ogaan lahayd xidhiidhka Naasiga ee Hunka “aanay waligeed u istaagi lahayn oo u sacab tumayn”.

Leave a Reply