Hargeysa(Dawan)Wasiirka Wasaarada Dhalinyarada iyo Ciyaaraha Somaliland Cabdirisaaq Muuse Faarax shalay ayaa sogootiyey wefti ka socda Somaliland oo casuumaad ka helay xidhiidhka Ciyaaraha ee dalka Angola iyo Orodyahano ka qayb gali doona Tartan Orod Caalami ah oo dalkaas lagu qabanayo.
Wasiirka Wasaarada Dhalinyarada iyo Ciyaaraha Somaliland Cabdirisaaq Muuse Faarax ayaa waxa uu sheegay in farxad u tahay in Somaliland ka qaybgasho tartano Caalamiya.Waxaana uu yidhi”Farxad wayn ayay ii tahay inaga oo muddo dheer Ictiraaf raadinaynay in aynu ka qayb galno tartano Caalamiya oo oradka,waxaana aan boogaadinayaa cid kasta oo ka soo shaqaysay farxad ayaanay ii tahay in hadafkii Xukuumadda uu hogaamiyo Muuse Biixi Cabdi iyo barnaamijkii Xisbiga Kulmiye in dunida xidhiidho Caalamiya la yeelano,”.
Agaasimaha guud ee Wasaarada Dhalinyarada iyo Ciyaaraha Cabdirashiid Caydiid Yaasiin ayaa waxa uu tilmamamay in Sannadka 2023 ay qabteen tartamo Caalamiya oo oradka oo dalal badan oo Caalamka ka soo qayb galeen.Waxaana uu yidhi”Sannadka 2023 waxa aanu qabanay tartano Caalamiya oo oradka oo dalal badan oo Caalamka ka soo qayb galeen,waxaana aanu u qabanay in Somaliland hesho fursad ay kaga qayb qasho tartamo Caalamiya,”.
Sidoo kale Agaasimaha guud ee Wasaarada Warfaafinta dhaqanka iyo Wacyigalinta Mustafe Cabdi Ciise Shiine ayaa waxa usoo jeediyay Wasaarada Ciyaaraha in sii kordhiyaan xidhiidhada Caalamka la yeelanayaan.