Qore Khadar M. Dhako
Hargeysa (Dawan) Xildhibaan Maxamed Xuseen Jaamac Raamboo oo ka tirsan mudanayaashsa Golaha Wakiilada Jamhuuriyadda Somaliland ayaa shalay deeq isugu jirta agab Waxbarasho iyo Caafimaad gaadhsiiyey shan degmo oo ka mid ah gobolka Hawd.
Maxamed Xuseen Jaamac ayaa waxa deeqdan oo ka kooban kuraasi iyo miisas dugsiyada degaamada Cunoqabad iyo Gumburaha, waxaana uu ka qayb qaatay dhamaystirka labo fasal oo cusub oo lagu kordhiyay dugsiga hoose dhexe ee Magaalada Baligubadle.
Xildhibaanka oo ka hadlayay oo arimahaasi ayaa waxa uu yidh “Waxa aan soo maray magaalada Cunoqabad oo aan geeyay kuraasi iyo miisaan ay ku fadhiisanayaan 45 Arday, waxa kale oo aan soo marnay Gumburaha oo aan geeyay kuraasi iyo miisaan ay ku fadhiisanayaan 45 arday. waxa kale oo aan soo marnay Magaalada Baligubadle oo labo Fasal oo cusub lagu kordhiyay dugsiga hoose dhexe oo aan saaray jiingadii iyo siliig.
Sidoo kale deegaanka Gumar qalab Caafimaad iyo dawooyin ayaanu gaadhsiinay, Balicabane gaadhigii Ambalaska ayaan kiciyay, waxaanan rajaynayaa in gaadhigaasi badbaadin doono hooyooyin badan oo Umalaya”.
Sidoo kale dadweynaha deegaamada uu Xildhibaanku soo gaadhsiiyay agabka Caafimaad iyo Waxbarasho ayaa uga mahadnaqay Xildhibaanka.