YouTuber-ka caanka ah ee kubadda cagta ka faallooda, Mark Goldbridge, ayaa sheegay in Liverpool aysan awood u lahayn inay ku guuleysato Premier League xilli ciyaareedkan.
Goldbridge oo ka hadlayey guuldarradii 3-2 ee Liverpool kala kulantay Brentford, ayaa sheegay in kooxda aysan ciyaar wanaagsan soo bandhigin bilihii ugu dambeeyay.
Guuldarradii Brentford ayaa noqotay guuldarradii afraad oo xidhiidh ah ee horyaalka Premier League, iyadoo Liverpool haatan ku jirto booska 6-aad iyagoo leh 15 dhibcood, sagaal kulan kadib.
Goldbridge wuxuu yidhi:
“Anigu shaqsiyan waxaan aaminsanahay Liverpool horyaalka ma qaadi doonto. Waxaan hadda ka saaray tartanka.
Waxaa muuqata in wax khaldan ay ka jiraan kooxda. Ma ciyaarayaan kubad xiiso leh. Guuldarradii Brentford way u qalmeen.”
Isaga oo sii hadlaya ayuu inta ku daray:
“Xataa shantii kulan ee ay badiyeen, si fiican uma ciyaarin. Waxay ku socotaa qaab liita haddii aan wax isbeddel ah la sameynin. Waxaan filayaa inay jiri doonaan natiijooyin kale oo xun ka hor maalmaha Kirismaska.”
Liverpool waxay isku diyaarinaysaa kulamada soo socda iyadoo cadaadis ballaaran uu saaran yahay tababare Arne Slot si uu u saxo qaladaadka kooxda ka muuqda qeybta dhexe iyo difaaca.