furan uga hadlay mowjadaha jees-jeeska iyo dhaleeceynta uu kala kulmay taageerayaasha tan iyo markii uu qabtay shaqada kooxda.
Isagoo ka hadlayay ka hor kulanka ay la leeyihiin Leeds United, Rosenior wuxuu yidhi: “Waan ogaa in tani dhici doonto. Carruurteyda waa da’yar oo isticmaala baraha bulshada, wayna arkaan waxa la qoro, taasina way saameysaa. Aabbahay iyo qoyskaygana sidoo kale way taabataa.”
Wuxuu intaas ku daray: “Shaqadan waa caadi in lagu dhaliilo. Haddii aad diyaar u tahay, waad ku qosli kartaa. Haddii aad si xun uga falceliso, booskan meel kuma lihid.”
Rosenior ayaa qirtay in kulankiisii ugu horreeyay uu guuldarro kala kulmay Arsenal, balse uu sheegay in guuldarradu ay qayb ka tahay shaqada.
Ugu dambeyn, wuxuu xusay in dadku ku qiimeyn doonaan waxqabadka garoonka dhexdiisa, isagoo adkeeyay: “Waan jeclahay shaqadan, mana ka baqayo inaan ahaado aniga qudheyda.”