Weerar-yahankii hore ee Thierry Henry ayaa sheegay in “dad badan” aannay dooneyn in Arsenal ku guuleysato horyaalka Premier League xilli ciyaareedkan.
Iyadoo toddoba kulan kaliya ka harsan yahay horyaalka, kooxda uu hoggaamiyo Mikel Arteta ayaa 9 dhibcood ka horeysa Manchester City, taasoo ka dhigan in Arsenal ay si weyn ugu dhowdahay inay joojiso qalalaasaha 22 sano ee horyaalka.
Laakiin Henry, oo ka hadlay barnaamijka Monday Night Football, ayaa sheegay in kooxdiisii hore aannay haysan taageero badan oo dadweyne.
“Waxaan rabay in Liverpool ay ku guuleysato horyaalka si Jamie (Carragher) uu ugu guuleysto, Stevie G (Steven Gerrard) uu ugu guuleysto,” ayuu yidhi Henry.
“Ama aan jeclaado Liverpool ama si kalaba ha ahaatee, waxaan taageeraa koox aan hore ugu guuleysan ama ku fashilantay horyaalka. Laakiin dad badan ma doonayaan in Arsenal ku guuleysato horyaalka.”