Qiimeyn cusub oo ay samaysay Barnaamijka Horumarinta ee Qaramada Midoobay ayaa ka digaysa burbur dhaqaale oo baahsan oo ka dhasha dagaalka Iiraan ee socda, iyada oo la filayo in GDP-ga dalalka Carabta ee gobolka uu hoos u dhaco ilaa 6%.
Warbixintu waxay ku qiyaastay khasaare u dhexeeya $120 bilyan iyo $194 bilyan, oo ay sabab u tahay carqaladeynta socodka tamarta, waddooyinka ganacsiga iyo suuqyada maaliyadeed ee ka baxsan goobta dagaalka.
Xiisadda oo lagu waday in ay ku koobnaato Iraan ayaa hadda waxay isu beddeshay xiisad goboleed oo laga yaaban yahay,” ayay tidhi UNDP, iyada oo tilmaamaysa hoos u dhaca tirada maraakiibta, korodhka kharashyada caymiska, iyo qiimaha saliidda ee isbeddelaya oo saameeya dhaqaalaha isku xidhan.
Saameynta ayaa ah mid aan sinnayn laakiin aad ugu daran dhinacyo. Dhaqaalaha Khaliijka iyo wadamada gacanka ayaa la filayaa inay ku dhacaan culayska ugu badan, iyada oo wax soo saarku mararka qaar hoos u dhacayo in ka badan 8%. Maalgashiga iyo ganacsigu sidoo kale si weyn ayuu u yaraaday, halka sicir bararka iyo kharashaadka amaahda ay kor u kacaan.
Gobolka oo dhan, ku dhawaad 4 milyan oo qof ayaa laga yaabaa in lagu riixo saboolnimo, maadaama qiimaha sare ee cuntada iyo tamarta uu baabi’iyo dakhliga qoyska.
Dhanka kale, Iiraan waxay wajahaysaa hoos u dhac aad u daran. Qiyaasaha UNDP ayaa tilmaamaya in dhaqaalaheeda uu hoos u dhici karo ilaa 10%, iyada oo malaayiin kale ay ku dhacayaan saboolnimo maadaama khilaafku uu carqaladeynayo kaabayaasha tamarta iyo ganacsiga.