Xiddiga da’da yar ee Barcelona, Lamine Yamal, ayaa noqday ciyaaryahankii ugu horreeyay ee Yurub ka ciyaara xilli ciyaareedkan ee dhameystira 100 goysmo.
Yamal ayaa rikoodhkan gaadhay intii lagu jiray kulankii Barca ay la ciyaartay Girona, isagoo sameeyay afar goysmo oo guul leh qeybtii hore ee ciyaarta.
Tirakoobka Yamal xilli ciyaareedkan:
100 goysmo oo guul leh. 199 isku day. Qiyaastii 50% guul-darro/guul isku dheelitiran.
Waxa kale oo la xaqiijiyay in Yamal uu 26 goysmo ka badan yahay ciyaaryahanka ku xiga liiska, kaasoo ah Yan Diomande ee RB Leipzig, kaasoo sameeyay 74 goysmo oo guul leh 138 isku day.
Guushan cusub waxay sii xoojinaysaa sumcadda Yamal ee ah mid ka mid ah da’yarta ugu hibada badan Yurub, gaar ahaan marka loo eego awooddiisa 1-ka-1 iyo kalsoonida uu ku qaado kubadda isagoo cadaadis ku jira.
Inkasta oo Barcelona ay la tacaaleyso natiijooyin liita oo isdaba joog ah, Yamal ayaa sii wada inuu noqdo iftiinka ugu weyn ee kooxda, taasoo muujinaysa in mustaqbalka Camp Nou ifayo.