Maamulka Trump ayaa soo bandhigay naqshad cusub oo baasaboor Maraykan ah oo nooc xaddidan leh oo lagu sawiray sawirka Madaxweyne Donald Trump si loogu xuso sanad-guurada 250-aad ee dhalashada Maraykanka. Qoraal uu Jimcihii ku qoray baraha bulshada, Trump wuxuu la wadaagay sawirka bogagga cusub ee baasaboorka, oo uu ka muuqdo sawirkiisa isaga gacmaha dul dhigay Miiska Resolute ee lagu saxeexay dhalashada dhabarkiisa dambena uu muuqato qoraalkii Baaqa Madaxbannaanida iyo saxiixiisa Trump oo xagga hoose ah.
Baasaboorrada ayaa la heli doonaa 6-da July, waxayna socon doonaan oo keliya inta ay alaabtu socoto, sida ay sheegtay Wasaaradda Arrimaha Dibadda ee Maraykanka. Waa tii ugu dambeysay ee taxane ah oo uu madaxweynuhu magaciisa ku calaamadinayo hay’adaha Maraykanka – oo ay ku jiraan dhismayaasha federaalka, mareegaha internetka, iyo dukumeentiyada iyada oo qaarkood uu muuqaalkiisu la socdo.
Trump waxa uu ku qoray bogga Truth Social. Qoraalka ah “soo dhawoow laakiin noqo mid wanaagsan” muu soo bandhigin sawirrada bogagga baasaboorka. Aqalka Cad ayaa sawirrada dib ugu wadaagay akoonkiisa X, iyaga oo dukumentiga cusub ugu magac daray “baasaboor waddani ah”. Helitaanka dukumentiga cusub ee la sameeyay hadda aad ayuu u xaddidan yahay, baasaboorradana waxaa heli kara oo keliya muwaadiniinta Maraykanka.
Dadka Maraykanka ah kuma codsan karaan dukumeentiga online ama boostada, waana inay ballan ka sameystaan booqasho shaqsi ah oo ay ku tagaan hay’adda baasaboorrada ee Washington DC, sida ay sheegtay waaxda arrimaha dibadda. Waaxda Arrimaha Dibadda ayaa sidoo kale ku dartay in codsadayaashu ay ballan ka Sawirada Baasaboorrada Maraykanka ee hadda jira waxay muujinayaan muuqaallo laga soo qaaday taariikhda dalka, sida soo degista Dayaxa, oo ay weheliyaan astaamaha Maraykanka sida Taallada Xorriyadda.
Madaxweyne Trump waxa uu soo wadaa inuu saxeexiisa ku daro lacag cusub oo la daabacayo sida ay sheegtay shirkadda Maraykanka ee Mint. Waa lacag dahab ah ooTrump ku soo bandhigayo sannad-guurada 250-aad ee xagaagan.
Marka laga soo tago calaamadaynta dukumeentiyada Maraykanka ee magaciisa iyo muuqaalkiisa, Trump wuxuu isku dayay inuu raad joogto ah ku yeesho Washington DC, oo ay ku jirto inuu magaciisa ku daro Xarunta Farshaxanka ee Kennedy – oo markii dambe laga saaray iyo inuu ku dhawaaqo qorshayaal lagu dhisayo waxa loogu yeedho Arc de Trump – oo ah qaanso weyn oo guul ah oo Washington ku taal oo la mid ah Arc de Triomphe ee Paris.