Wasiirka Madaxtooyada Iyo Gudida Dhismaha Waddada Ceerigaabo Oo Qaadhaan Lacaga Ka Gudoomay Xubno Qurba Jooga

0
52

Hargeysa (Dawan)- Waxa Xalay qasriga Madaxtooyada isugu yimid Gudidii Wadada Ceerigaabo iyo Xubno Qurba jooga oo lacag ka sida Jaaliyadaha Dibeda qaar ka mid ah, Wasiirka Madaxtoyada ayaa ka war bixiyay Lacagtaasi iyo arimo Kulankaasi La Xiriira isaga oo Qoraal ku daabacay bogiisa facebook.
“Waxaa Amaan Iyo Bogaadin Gaar Ah Mudan Haweenka Hooyooyinka Ah Ee Dareemaya Xanuunka Jid La’aantu Leedahay”
Waxay ahayd Caawa kadib markaan kulan la qaadanay Wakiilo ay soo wakiisheen Jaaliyado kamida Muwaadiniinta Reer Somaliland ee ku nool dalka DIbadiisa.
Kulankan ayey kasoo qayb galeen Xubnaha Gudida Qaadhaan Ururinta Jidka Ceerigaabo isla markaana u daarnaa in aanu is xog waraysano isla markaana aanu ka gudoono deeq lacag ah oo Muwadiniin damiir nool leh ay ugu soo deeqeen Jidka isku xidhi doona Togdheer- Sanaag
Waxaa hubaal ah in qofku waxa uu dar Illahay uula baxo uu ku helo ajar iyo xasanaad badan, sidoo kale maalmahan aynu ku jirno ee Bisha Barakaysana ay yihiin maalmo Alle intii hore in ka badan uu ku bixiyo wixii aad wanaag samayso
Hadaba, aan cod dheer ku sheego jaaliyad walba iyo intii ay soo direen si aynu uugu ducayno isla markaana uugu dayano
1- Haweenka Jaaliyada reer Somaliland ee ku dhaqan Caasimada Helsinki “ Finland “ waxay ku deeqeen lacag dhan $20,000 isla markaana ay u soo wakiisheen Wasiir ku xigeenka Wasaaradda Shaqada iyo Arimaha Bulshada Shukri Xariir oo dhawaan safar shaqo ku tegtay.
2- Haweenka Jaaliiyada reer Somaliland ee Mindaqada Sharqiya “Sucuudiga” waxay ku deeqeen lacag dhan $2,600 oo ay u soo wakiisheen Dr Carabayte
3- Haweenka Jaaliyada reer Somaliland ee Denmark waxay ku deeqeen lacag dhan $6,100 oo ay u soo wakiisheen Sh. Yuusuf Cabdi Cawad
Waa arin lagu farxo oo bogaadin mudan sida ay jaaliyadaha reer Somaliland meel ay jooganba uugu heelan yihiin ka qayb-qaadashada dhismaha dalka, waxaa amaan iyo bogaadin gaar ah mudan Haweenka hooyooyinka ah ee dareemaya xanuunka jid la’aantu leedahay
Meel aad joogtaanba ku noolada caafimaad iyo Cibaado
Somaliland Guul iyo Gobonimo
Wa Bilaahi Tawfiiq.
Dawannews Hargeysa office

LEAVE A REPLY

Please enter your comment!
Please enter your name here