HARGEYSA (DAWAN)-Guddoomiyaha ururka suxufiyiinta Somaliland ee SOLJA Xasan Maxamad Yuusuf ayaa ganafka ku dhuftay Liiska Guddi uu sharci darro ku tilmaamay oo xubno ka mid ah Hoggaanka ururkaasi ay u magacaabeen Guddida qaban-qaabadda shirweynaha shanaad ee SOLJA.
Xasan Maxamad Yuusuf oo shalay la hadlay warbaahinta ayaa sheegay in soo xulista guddida qaban-qaabada shirweynaha in uu awood u siinayo sharciga ururka u yaalaa Guddoomiyaha ururka, waxaana uu ku dooday in aanu xeer hoosaadkooda ku jirin in gudida fulinta xubno ka mid ahi ay noqdaan gudida qaban qaabada shirweynaha.
“Dadku waxay ku kala baxaan waa sharci iyo nidaam, sharciga ururka u yaalaa ayaa qof kasta awood wax u siinaya. qodobka 6aad waaxdiisa labaad xubinta (c) ayaa waxay sheegaysaa laba qodob. Qoddobka koowaad waxa ku qoran gudida qaban qaabo ayaa la magacaabi doonaa shirweynaha ka hor. qodobka labaadna waxa ku qoran gudida waxa soo xulaya Guddoomiyaha ka dib markuu kala tashado ku xigeenka iyo Xoghayaha guud waxaana ansixinaya gudida fulinta xubnaha xulistoodu halkaas ayay ku cadahay,”ayuu yidhi Guddoomiyaha Ururka SOLJA.
Guddoomiye Xasan Maxamed waxa uu xusay in si khaldan loo fahmay awoodaha gudida fulinta waxaanu yidh “Isla Qodobka lixaad waaxda saddexaad waxa ku jirta qobob ay si khaldan u fahmeen dhinaca awoodaha gudida fulinta xubinta (d) isla qodob kaas 6-aad ayaa waxay sheegaysaa gudida fulintu waxay iskugu yeedhi karaan shirweyne aan caadi ahayn haddii ay qoraal ku soo jeedi yaan seddex meeloodoow laba dalool isla qobkaas laftigiisa waxa ku jira gudida fulinta ee ururka ayaa u xil-saaran qaban-qaabada shirweynaha una igmanaya guddi qaban qaabo. Gudida fulintu waa aniga iyo xubnaha aan guddoomiyaha u ahay annagaa u xil saaran in aanu magacawno laakiin cid baan u igmanaynaa laakiin maaha in aanu annagu isku qorayno oo annagu noqonayno xubnihii gudida qaban-qaabadda.”
By: Khadar M.Dhako
Dawannews Hargeysa office
