Hargaysa (Dawan): Wasiir ku xigeenka shaqadda iyo arrimaha bulshada Marwo Shugri Ismaaciil ayaa madaxweynaha Somaliland ku bogaadisay lixda xubnood ee ka midka ah toddobadda xubnood ee Komishanka Doorashooyinka Qaranka ee uu u gudbiyay Golaha Wakiiladda.
Marwo Shugri Xariir oo xalay la soo xidhiidhay wargeyska DAWAN ayaa sheegtay in xubnahan la gudbiyay ay yihiin qaar karti u leh inay ka soo baxaan waajibaadka shaqo ee loo igmaday.
Shugri Xariir, oo arrimahaasi ka hadlaysayna waxay tidhi “Lixda xubnood ee Komishanka doorashooyinka ee madaxweynuhu u gudbiyay golaha Wakiiladda, waa xubno karti iyo aqoon leh oo aan ku hambalyaynayo shaqada loo magacaabay. waxaanan Illaahay uga baryayaa in xilka culus ee loo magacaabay u fududeeyo, waxaan madaxweynaha ku bogaadinayaa in uu ka fiirsaday kala shaandhaynta xubnaha Komishanka Doorashooyinka Qaranka.”
Wasiirka ku xigeenku waxa kale oo ay si gaar ah u amaantay Marwo Kaltuun Sheekh Xasan Cabdi, oo ay ku dooday inay tahay haweenay khibrad iyo aqoon u leh xilka loo magacaabay.
By: Khadar M. Dhako
Dawannews Hargeysa office
Home Wararka Dalka “Waxaan Madaxweynaha ku Bogaadinayaa in uu ka Fiirsaday kala Shaandhaynta Xubnaha Komishanka”