Hargeysa (DAWAN): Wasiir ku xigeenka Wasaaradda warfaafinta dhaqanka iyo wacyigelinta ee Somaliland C/waaxid C/qaadir C/Raxmaan, ayaa sheegay in uu masuuliyadeedda dusha u ridan doono xeerka diiwaangelinta iy codbixinta ee golaha guurrtidu dib ugu soo celiyeen wakiiladda, markii ay arkeen in xeerka loo soo gudbiyay aanu ahayn kii goleweynuhu meelmariyeen.
Wasiir ku xigeenku waxa kale oo ka jawaab ka bixiyay hadal dhawaan ka soo yeedhay guddoomiyaha xisbiga Waddani kaasi oo uu xukuumada ku eedeeyay in ay doonayso in dib u dhac ku gyimaado doorashooyinka la filayo inay qabsoomaan sanadka fada inagu soo haya.
C/waaxid C/qaadir oo shalay xafiiskiisa ugu waramayay wargeyska DAWAN waxaana uu tilmaamay in xukuumadu dhinaceeda wixii ka khuseeyay doorashooyinka ay dhamaystirtay una diyaar tahay in ay qabato doorashoyinka xiligii loogu tallo galay. isagoo ka hadlayay arrinta doorashooyinka waxa uu yidhi “Waxaan u waragnaa hadalka guddoomiyaha xisbiga Waddani ku celcelinayay muddo baddan isaga iyo xisbigiisuba, umadduna waa noo markhaati, xukuumaduna meel ay dib ugu dhigtay doorashadda ma jirto, wixii dhinaceeda ku xidhnaa way dhamaystirtay lacagtii miisaaniyada ayay ku jirtaa, gudidii doorashadda waa la magacaabay.”
Wasiir ku xigeenka warfaafintu waxa kale oo uu tilmaamay in guddoomiye Cirro carqaladaynayo in doorashooyinku ay wakhtigoodii ku qabsoomaan, “Annagu xukuumad ahaan waxaanu isleenahay guddooniyaha Waddani ayay xagiisa ka socon la’dahay in doorashaddu qabsoonto, sababtuna waxa weeyi xubnihii Komishanka doorashooyinka golaha wakiilada ayaa loo gudbiyay mar hore lama ansixin, annaga xagayaga xukuumad ahaan way ka dhamaatay, xagiisa ayay taallaa guddoomiye Cirro inuu hawsha ka dedejiyo golihii wakiilada isugumuu yeedhin. Xukuumaddu dib u dhigis kuma jirto doorashadda, waxaanan isleenahay doorashadda waxaad ku gashaan oo aanu qabanay umadda Somaliland. Kalsoonina waan isku qabnaa in aanu doorashadda ku galno markaa guddoomiyaha Waddani ayaanu meelahaa ka warwareegin haddii uu doorashada diyaar u yahay way dhacaysaa, wixii isaga ku xidhana ha sameeyo, waana hadal aan isleeyahay dadka uun baa lagu kicinayaa oo olole aan dhawayn lagu sii galayo. Wax aliyaale wax ka jiraa ma jiraan.”
Wasiir Cabdiwaaxid waxa uu tilmaamay in guddoomiye Cirro ay ku kooban tahay hadalo uu kaga dayrinayay in doorashooyinka soo socda ay u dhacaan si xor ah oo xalaal ah. waxa kale oo uu ku dooday in masuuliyadeeda uu qaadi doono guddoomiye Cirro xeerkii diiwaangelinta madaniga iyo codbixiyeyaasha oo golaha guurtidu dib ugu soo celiyay golaha wakiilada, ka dib markii wax ka baddel lagu sameeyay sidii golaha wakiilada ku ansixiyay.Waxaanu yidhi “Doorashada aan la gaadhin ninka leh waxbaa la kharibi doonaa, anaga xaga xukuumadda ahaan maaha isaga wax damacsan guddoomiyaha Waddani, doorashadda si wanaagsan ayaanu u qabanaynaa amniga ayaan sugaynaa, guddi doorasho ayaa jira iyagay u taala sidii ay dhexdhexaad ugu noqon laahaayeen xisbiyada tartamaya u kala hagi lahaayeen doorashaduna si xor ah oo xalaala u dhici lahayd.Xukuumad ahaan arrinkaa waan maqalnay in golaha guurtidu soo celiyeen xeerkaa diiwaangelinta madaniga iyo ka codbixiyeyaasha, khaladaad ka baxay dhinaca golaha wkaiilada inay ku jiraan masuulka ugu sareeya golaha wakiilada waa guddoomiyaha xisbiga Waddani ahna guddoomiyaha golaha wkaiilada masuuliyadaa isagaa qaadaya haddii ay isaga fadhiisato iyo haddii cid kale u qabsan lahaa oo ay gali lahayd ba baadhisteeda iyo jawaabteedaba iyo taa dawlada iyo dadkuba isagay ka sugayaan.”
Sidoo kale wasiir ku xigeenku waxa uu tilmaamay in xisbiga Kulmiye doorashooyinka soo socda cududooda iskugu gayn doonaan shacabka Somaliland, una soo bandhigi doonaan wixii ay qabteen. Isaga oo arrimahaasi ka hadlayayna waxa uu yidhi “Sida aynu ognahay doorashadii u danbaysay ee golaha deegaanka xisbiga Kulmiye kaalinta uu galay waa la ogaa, iyadoo dhaliilo badani jireen oo la leeyahay waxba ma hayo, dadku ma taageersana hadana cududoodii dadku way iskugu geeyeen, maantana tii oo kala ayaanu qabnaa oo aanu filaynaa wixii umadda aanu u qabanay ayaanu ku gali doonaa doorashadda. taageero weynaa waanu ka rajaynaynaa shacabka Somaliland.”
C/waaxid waxa kale oo uu sheegay in xisbiga Kulmiye xukuumaddu midaysan yihiin wada shaqaynina ay ka dhexayso, waxaanu yidhi “Xukuumadda iyo xisbiga Kulmiye way midaysan yihiin waanay wada socdaan. Murashaxana madaxweynaha ah guddoomiyaha Kulmiye waa kii ku dhawaaqay in murashaxnimadda madaxweynuhu u taagan yahay Axmed Maxamed Maxamuud Siilaanyo taas ayaa lagu wada shaqaynayaa iyagoo midaysan ayay doorashadda galayaan, waxaanan filayaa wax nagu soo biira oo taageera mooyaane wax naga dhacay in aanu jirin doonin, haddii Alle yidhaahdo.”
By: Khadar M. Dhako
Dawannews Hargeysa office
