By: Yoonis M.Jaamac
Hargeysa(DAWAN): Wasiirka arrimaha gudaha Somaliland Cali Maxamed Warancade, ayaa soo saaray amarro cusub oo ku wajahan Bilicda magaalooyinka dalka.
Waxaanu wasiirku faray dhammaanba maayarrada magaalooyinka dalka in ay ka shaqeeyaan isla markaana xooga saaran illaalinta bilicda magalooyinka.
Cali Warancade, oo shalay shir jaara’id ku qabtay xafiiskiisa waxa kale oo uu ka hadlay sida ugu haboob ee ay hawlaha uu soo saaray ay ku hirgelayaan iyo cida leh masuuliyadaha fulinta qorsheyaashaasi.
isagoo arrimahaasi ka hadlayayna waxa uu yidhi “Haddii aanu nahay wasaaradda arrimaha gudaha iyo hay’adaha hoos yimaada ee ay ugu horeyaan dawladaha hoose ee gobalada iyo degmooyinka dalka in aanu halkan maanta (shalay) uga jeediyo in sanadka cusub 2015 ee inoo bilaamaya aanu xooga saarno laba arrimood oo kala ah bilicda iyo quruxinta magaalooyinka dalka.”
“Runtiina nadaafada iyo bilicdu waxa ay ka mid yahiin wax-yaabaha lagu qiimeeyo bulshooyinka caalamka ku nool waxaana ay ku turjuntaa marka ay dadku ku nool yahiin meelo nadaafadeedu sareyso bulshadaas kartidooda markaas waxaan halkan saaka ka soo saarayaa wareegto isla markaana aan u baahiyo iyada oo qoraal ah iyo iyada oo af ahba dhaamaan gobalada dalka iyo maayarada degmoyinka isla markaana uu sanadkani uu noqdo mid aynu xooga saarno xaga nadaafda iyo bilicda gobalada dalkeena oo dhan” ayuu yidhi wasiirka Cali Warancade.
Wasiirku waxa uu faray in la fuliyo hawshii hore ee aheyd in qof waliba gurigiisa hortiisa uu dhigo marmar isla markaana ay nadiifiyaan meheradahoodda hortoodda.
Waxaanu yidhi “Waxaan sidoo kale aan ku amrayaa dhamaan dawladaha hoose ee dalka in la fuliyo hawshii hore ee aheyd in qof waliba gurigiisa hortiisa uu dhigo marmar isla markaana ay nadiifiyaan isla markaana nin waliba uu xaadho gurigiisa hortiisa sidoo kalena dawlada hoose ay iyaduna dhinaceeda xaadho si ay magaalooyinkeenu u noqdaan qaar nadaafadoodu aad u sarayso” .
Sidoo kale Warancade, waxaa uu sharaxaad ka bixiyay qodobo ka mid ah amarada uu soo sooray si ay dadwaynuhu u fahmaan oo ku aadan isu socodka magalada Hargeysa. Kuwaasi oo uu sheegay wasiirku in mudooyinkan dambe uu culays badani ka taagnaa gaar ahaana xagga isu socodka Saxmadda ay sababaan gaadiidka oo ku soo badanaya magaalooyinka.
Waxaanu yidhi “Magaalooyinkeena waxa ku soo batay gaadiidka waxyaabo badan oo noqday mid adag isla markaana kaliftay in aan laysku socon Karin, oo qofkii shaqo ku deg degayay ama caruurtii dugsiyadda la geenayay ay dhibaato badan kala kulmeen. sidaas tarteed waxaanu amar ku bixineynaa in labada wado ee ay mid tahay ta hor marta madaxtooyada ee labada dhinac ba loo socdo in dhinac uun loo socon doono oo dhinca qorax u dhaca ay baabuurtu u socon doonan waxii todobaadkan ka danbeeya dawlada hoose iyo ciidamada wadooyinku ay ka gudan doonan wajibaadkooda”.
Waxaanu intaasi ku daray “Baabuurta u socota dhinaca magaalada ama qorax ka soo baxa waxaa ay mari doonan oo ay isticmaali doonan wadada xaga danbe ka marta cisbitaalka weyn ee magaalada hargaysa labaadsi wadana waxaa ay ku kulmi doonana laba meelood oo ah hotel guuled oo dhinca galbeed ah iyo kaalinta ina galan oo dhinca bari ah markaasi labadaasi wado waxaa ay noqon doonan in wado waliba ay midna qorax u dhaca u socta midna qorax ka soo baxa u socota. Sidaas tarteed aniga oo tixraacaya xeerka wadooyinka ee xeer 56/2013 qodabkiisa kowaad waxaan leeyahay sidaasa ayuu u fuli doonan oo waxaa fulin doona haa’yadaha ku shuqul leh waxaanan halkan mar labaad aan baaq ugu dirayaa in maayarada dalku ay si deg deg ah u fuliyaan “.