Tiro koobyo aan rasmi ahayn oo la qaaday ayaa cadeeyay in Qaahira caasimadda Masar ay ku nool yihiin hal milyan oo qof, iyagoo dadkaasi kala badh ay ku nool yihiin xabaalaha dhexdooda. Qofka aan iska bixin Karin kirada waxa uu si dhib yar u dooran karaa inuu ku nolaado xaafadda xabaalaha. Markii aan gaadhay waxaan la kulmay gabadh da’ ah oo dhuuban waxay ku madhaysay dharkeeda sinxi weyn oo hor yaalay qolka derkeda ah ee ay hor fadhiday. Markii ay dhamaysay waxay biyaha ku daadinaysa dariiqa quruurxa ah ee qalalan, dharkana waxay ku wadhaysay xadhiga ku xidhan wadada labadeeda dhinac. Dharkeeda iyo weelkeedaba waxay ku maydhaysay dariiqaa banaan waxaana sabab u ahaa iyadoon nidaamka fayo dhawrku aanu ka jirin xaafadda xabaalaha. Waxaan ku idhi “ ka waran nolosha halkan waxayn si fudud u tidhi “Anigu nasiib ayaan leeyahay waayo laydh ayaa helaa”, kirada gurigana bil kasta waan bixiya. Waxa ku yaalla dukaamo iyo makhaaydo yaryar oo saboolnimadu ka muuqato , waxay dadku cabayaan badeecadda, buuriga iyo sigaarka. Waxayna ciyaarayaan dumnad iyo turub. Dariiqa dhexdiisa digaag ay dhaqdeen ayaa socda, Eyaduna waxay u dhex mushaaxaysaa si xor ah. Xabaalaha dhincood waxa si degan ugu sheekaysnaya dumar alaabooyin is siinaya. Caruurtooduna iyagoo bilaa kabo ah ayay si degan ugu ciyaaryaan wadada ka danbaysa dhismayasha derkedaha ah ee xabaalaha dhinac ku haya. Waa muqaal ka mid ah Qaahira..
(waxa daabacay: zenith online/ Germany 17/01/2015).
