Dawladda Imaraadka ayaa sheegtay inay u dirayso dayuurado dagaal nooca F 16 si ay uga taageeraan ciidamada Urdun la dagaalanka daacish ee ku sugan Suuriya.
Go’aankan ayuu soo saaray dhaxal sugaha Abu-dabai Maxamed Binu Sayid. Telefishanka Urdin ayaa baahiyay in Dauuradaha dagaalka ee Imaaradku ay maalintii sadexaad si joogto ah u duqaynayaan goobaha ay degan yihiin Daacish.
Wasiirka arimaha gudaha ee Urdun Xuseen Majaali ayaa sheegay in la wadi doono weerarada daacish ee Suuriya iyo Ciraaq.
