Burco (Dawan): -Wasiirka Qorshaynta qaranka Sacaad Cali Shire ayaa shalay Magaalada Burco ka furay shir lagaga hadlayay qorshaha Gobolka Togdheer ee shanta sanadood ee soo socda.
Shirkan oo ay soo qabanqabisay wasaaradda qorshayntu waxa uu ka qabsoomay xafiiska xarunta Gobolka, waxaana ka soo qaybgalay maamulka Gobolka, ka degmoyinka Gobolka, Saraakiisha laamaha dawlada ee heer Gobol, xubno ganacsato ah iyo qaar ka mid ah ururadda Bulshada.
Kulankan oo u gudoominayay Wasiirka wasiirka qorshayntu ayaa waxa lagaga dooday caqabadaha hortaagan qorshayaasha waxqabad ee Gobolka.
Sidoo kalena waxa lagu magacaabay gudi ka kooban 39 xubnood oo kana shaqayn doonta horumarinta Gobolka, gudidaasi oo uu guddoomiye u yahay Badhasaabka Gobolku.
Wasiirka qorshaynta oo furitaanka shirkaasi hadal ka jeediyay ayaa faahfaahin ka bixyay u jeedadda shirkaasi iyo waxyaabaha ay hawshoodu tahay gudidda la magacaabay.
waxaanu yidhi “Wasaaradu waxay qabilsan tahay dejinta baahiyeheenu sida ay u kala mihiin san yihiin. shirkana waxaynu isugu nimid qorshaha wax-qabad ee Gobolkan ee 2015 ilaa 2016 in aynu si fiican isula jaan-qaadno una samayno gudi uu Badhasaabka Gobolku guddoomiye u yahay. kuwaas oo la doonayo inay isku duba ridaan qorshaha gobolka sidii loogu tallo galay. waxaana mihiim ah in aynu fahamno in aynu inagu wax-qabsan karo oo aynaan cid kale wax laga sugin”.
Waxa kale oo Wasiirku intaasi ku daray in qorshihii ay wasaaradu dejisay ee shanta sano ay wax badani ka qabsoomeen waxbadanina hadhsan yihiin. ugu danbayntina wasiirku waxa uu kula dardaarmay gudidda horumarinta gobolka ee ay sameeyeen inay muddo bil ah ku soo dersaan xeerarka loogu tall-ogalay inay gudidani ku wada shaqayso.
Dawannews Hargeysa office
