Shirkada Sam Sung ayaa horeysay suuqyada kusoo daysay Kamarad cusub oo ay shirkaddu soo saartay,taas oo la filaayo inay dhowaan bilaabanto iibkeedu,iyada oo maraysa tijaabadii ugu dambaysay ee lagu sameeyo,sida ay cadeeyeen masuuliyiinta shirkadaasi.
Kamaradan ayaa la mid ah kamaradeedii ugu horeysay oo lagu magcaabi jiray The X-1,taas oo ahayd ta kowaad ee suuqyada soo gasha,sidoo kalena aanay jirin wax kale oo laga soo daba saaray,waxaana lagu magcaabaa Kamaradan The X-500,waana mid ka fiican tayo ahaan kuwii hore,waxa kale oo ay kaga duwanaan doontaa siday masuuliyiinta shirkaddaasi tilmaameen kamaradaha kale ee Canon .
Kamaradan ayaa sidoo kale nooc ahaan noqonaysa APS-C,taas oo noqonaysa 28 megaPixels,meelaha y wax ka sawiraysaana ay noqonayaan kuwo aad uga fog kuwii hore ama meelaha ay kamaradaha kale wax ka sawiraan,waxa kale oo ay Zoom-teedu ka hortegaysaa wax kasta oo Reflection ku keeni kara ama falaadhaha cad ceeda kusoo celin kara,iyada oo hab casri ah u duubi karta Video-ga ,waxaana ku duubaysa 24 Frame sikinkiiba.
Kamaradan ayaa sidoo kale kaga duwan kamaradaha kale ,iyada oo leh ,waxyaalaha ay mobiles ku lee yihiin kuwo lamid ah ,gaar ahaana Bluetooth oo kale,waxa kale oo ay lee dahay Wi-Fi oo soo qabsan kara Wireless ka Internet ka ,taas oo u fududaynaysa qofka inuu sawirada uu qaado isla markiiba soo diro,isaga oo ku diraaya habka Blue tooth ka ama Internet ka,waxa kale oo uu u diri karaa data-da lagu duubo ama lagu sawiro mobiles Smarts ka ah.
Kamaradan ayaa suuqyada soo geli doonta dabayaaqada bishan March ,iyada oo kusoo gelaysa suuqa kalaro kala duwan ,gaar ahaana Madow ,Cadaan Iyo Brown,waxaanu noqon doonaa qiimaha ugu horeeya ee ay suuqyada kusoo gelaysaa $799.99.
