Bad mareen Maraykan ah oo muddo laba bilood ah ku lunsanaa badweynta ayaa la soo badbaadiyay.
Ninkaasi ayaa la sheegayaa inuu ku badbaadey isaga oo quudanayay kalluunka qaydhin iyo biyaha roobka.
Badmareenkaasi oo magaciisu yahay Louis Jordan, 37 jir ayaa sheegay inuu maryihiisa dhigayay badda taasi oo ka caawisay inuu ku soo qabsado kalluunka , waxaanu Ilaahay uga mahadceliyay inuu soo badbaadiyay markii dhibicdii u danbaysay ee biyo ahayd ka dhamaatay.
“Aakhirkii Ilaahay ayaa ducadii iga aqbalay ka hor intaanay wax waliba iga dhamaan,” ayuu yidhi isaga oo u warramaya CNN.
Doonta la halowdey ayaa markab Jarmal ahi ka helay khamiistii meel r 200 miles ka baxsan xeebta North Carolina, isaga oo ay isugu darsmeen fuuqbax iyo dhaawac ka gaadhey garabka.
.
