Hargeysa(Dawan)- Guud Gobolada iyo magaalooyinka Somaliland ayaa saaka si wayn looga dabaal dega Xuska Maalinta Qaran ee 18-ka May oo ah markii Somaliland ku dhawaaqday Madaxbanaanideeda 1991, mudo hada laga joogo 24 sannadood, Bulsho waynta reer Somaliland ayay saaka muujinaayay sida ay uga go’antahay qadiyada dalkoodu.
Dadka ku dhaqan magaalooyinka iyo gobolada dalka ayaa iskugu soo baxay goobaha loo asteeyay iyadoo ilaa hadda aanay jirin wax dhib ah oo ka dhacay goobaha ay ka qabsoomeen munaasibaduhu.
Sidoo kale Bulshada Magaalada Hargeysa iyo Ciidamada kala duwan ee Somaliland, ayaa maanta socod gaardis ah ku maray jidka Halbawlaha ah ee Madaxtooyada Hor mara iyadoo Madaxweynaha iyo masuuliyiinta kale ee qarankuna ku sugnaayeen wajahadda hore ee Madaxtooyada.
Qaybaha kala duwan ee bulshada ayaa ka qayb qaadanayay socodka iyagoo soo bandhigay waxyaabo indhaha soo jiidanaya oo lagu waynaynayo Xuska 18 May islamarkaana Calanka Somaliland ku gaashaaman. Ciidamada Somaliland, Uurrada bulshada,Shaqaalaha,Ardayda kala duwan ee dalka sida Jaamacaddaha iyo Iskuulada iyo bulsho kale oo tiro badan ayaa socod gaardis ah oo si nabadgalyo ah ku soo dhamaaday ku maray meellihii loo asteeyey.
Sagal Abdurahmaan Ahmed
Dawannews Hargeysa office
