Shirkad dalka Kanada ka dhisan ayaa soo saartay qasaalad aan laydh ku shaqayn oo haddana muddo yar oo 5 daqiiqo oo keliya dharka ku maydhaysa. Qasaaladani uma baahana meel weyn oo la dhigo.
Waxa kale oo mishiinkan dharka lagu maydhayaa leeyahay qaybta qalajinaysa dharka. Waxaana ay ku shaqaynaysaa qaab ah inaad lugtaada ku cadaadisid. Hadba sida aad ugu qabto lugta ayuu noqonayaa xawaaraheedu, sida baaskiiladda oo kale.
Qasaaladan oo lagu magacaabo Drumi waxay leedahay midabo kala duwan oo dadka ay ku soo jiidato. Qiimaha mishiinkan dharka maydhaya ayaa ah $ 169, sida lagu daabacay wargeyska Huffington Post ee ka soo baxa dalkaasi.
