Hargeysa (Dawan): Baanka aduunka ayaa Somaliland ka caawinaya mashaariic dhinca horumarinta ah oo ay ku baxayso qadar lacageed oo dhan hal milyan oo dollar ah, kaas oo ay maamulayso wasaaradda maaliyadda.
Heshiiskaasi oo ku qotoma mashaariic lagu horumarinayo adeegyada biyaha, beeraha iyo degaanka, Mashaariicdan horumarineed ee ay kala saxeexdeen xukuumadda Somaliland iyo baanka adduunka ayay qayb ka noqon doonaan biyo xidheenno laga sameeyo dooxyada waaweyn ee dhex mara Somaliland oo inta badan biyaha u qaada si xawli leh, ilsa markaana inta badana badda ku dara biyaha roobka.
Munaasibadii ay labadda dhinac ku kala saxeexanayeen heshiiskaasi oo shaly lagu qabtay hudheelka Ambassador ee magaaladda Hargaysa. Waxaana xafladaasi wasiirrada maaliyadda, degaanka iyo horumarinta reer miyiga iyo masuuliyiin kale.
Waxaana ugu horayn halkaasi ka hadashay wasiirka wasaarada maaliyhada marwo Samsam Cabdi Adan, iyada oo ka warbixisay mashruucan lagu horumarinayo adeegyada asaasiga ah ee bulshada.
Wasiir Samsam oo hashiiskaasi ka hadlaysay waxay tidhi “Waxaanu halkan ku saxeexanay heshiis ka dhexeeya dawladda Somaliland iyo Worl Banka oo dhinaca biyaha ah, oo ay leeyihiin wasaaradaha Deegaanka, Wasaaradda Biyaha iyo wasaaradda Beeraha. Laakiin lacagtoodu u soo marayso wasaarada Maaliyada, oo aanu hashiiskii la saxeexanay, mashaariicdaasi oo ah mid ka dhexeeya saddexdaas wasaaradood ayaanu halkan ku kala saxeexanaynay, oo intan imika u horeysaa ay tahay Hal Milyan oo Doolar. Markaa sidaa ayuu heshiiskaasi noogu dhamaaday, oo aanu ku saxeexnay”.
Wasiirka maaliyada waxa kale oo ay intaas ku dartay “Waxa mashaariicdan hirgalinaaya oo iska leh qorshaheeda iyo soo bandhistiisa iyo ka qayb qaadashadiisaba Somaliland, waana sababta caawimada la inagu siinayo, dawlada Somaliland baa sameysay, dabadeetana markii ay arkeen in hawshaa ay dawladu ka shaqeynayso ayaa World Bankuna ay yidhaaheen waxbaanu idiinku daraynaa, taas ayaanuna maanta halkan ku kala saxeexanay” ayay tidhi wasiir Samsam.
Sidoo kale wasiirka degaanka iyo horumarinta reer miyiga Shukri Xaaji Ismaaciil Baandare ayaa iyadna halkaasi ka hadashay. “Hishiiskani waa mid ka dhexeeya dawladda Somaliland iyo baanka aduunka (World Banka), hishiiskaasi oo ah inay dhinaca biyaha inaga caawiyaan. Kaasi oo ah inay inaga caawiyaan dooxyada oo la xidhayo, oo ay ka wada faa’iidaysan doonan beeraha, Xoolaha iyo dadka kale ee soconayaba. Waana mashruuc sannad imika laga soo shaqeynayay, oo gebagebo ah wasaarada Maaliyadda ayaanay soo maraysaa lacagtaasi” ayay tidhi wasiir Shugri Baandare.
Marwo Shugri waxa kale oo ay ka hadashay mashaariicdani iyo wakhtiyadda ay lacagahaasi soo gaadhayaan. Waxaanay tidhi “Waxaananu aad ugu faraxsannahay in imika la sameeyay wax alla wixii shuruuddo ahaa, kuwaasi oo ay wasiirradu saxeexeen, madaxweynuhuna marka danbe saxeexi doono. Marka golaha baarlamaanka uu soo maro, dhamaanba wixii inoo sahlaayay inay dawladeena iyo wasaaradeena Maaliyada wax inoo soo maraan, taasi oo ay ku amaanan tahay wasaarada maaliyadu.
Kana soo shaqaysay, iskuna taxlujisay sidii ay lacagtaasi inoogu iman lahayd, oo anaguna ka wasaarad ahaan iyo wasaaradahayaga kaleba aanu uga faa’iidaysan lahayn. Markaa baanka aduunka sanadkaa aanu soo wada shaqaynaynay, aad iyo aad ayay ugu amaanan yihiin, waxaanan rejaynaynaa in aanu sida uu mashruucani yahay uga soo wada bixidoono”.
Dawannews Hargeysa office
