Lacagaha been abuurka ah waxa sameeya kooxo dhaqaale doon ah, iyagoo ku boobaya hantida dalka iyo tan bulshada iyadoon la dareemayn. Mararka qaarkoodna waxa adeegsada dawladaha cadaawadu ka dhaxayso si midba kan kale dhaqaalihiisa u burburiyo taasi oo muujinasa in lacagtu tahay tiir dhaqaale oo muhiim ah.
Dagaal weynihii labaad, Sanadkii 1942, sarkaal ka tirsan dawaldii Naasiga ahayd ee Hitler oo la odhan jiray Bernhard Kruger ayaa keenay fikradda ah in la sameeyo lacag been abuur ah oo Giniga Ingriiska ah, si loogu curyaamiyo dhaqaalaha Ingiriiska. Sarkaalkan ayaa Jeelashii ku yaalay xeryihii ciidamada ee Hitler gaar ahaan xabsiga Auschwitz ka soo ururiyay 140 qof oo Yuhuud ah oo foojariistayaal ahaa (counterfeiters ) aadna u yaqaanay samaynta waxyaalaha aan asalka ahayn (Faalso). Waxa kale oo uu ku soo kordhiyay koox kale oo iyana aan Yuhuud ahayn lakiin aqoon u leh Foojariga. Kooxhan ayaa la siiyay dhamaan wixii ay ka samayn lahaayeen lacagtaasi been abuurka ah. Waxayna kooxdani ku guulaystay inay soo saarto noodhadhka giniga ah oo u eeg lacagta asalka ah ee Ingriiska gaar ahaan £ 5, £ 10, 20 iyo £ 50 oo faalso ah. Waxaana la geliyay malaayiin pound suuqyada caalamka si loogu khalkhal geliyo dhaqaalaha Ingriiska. lacagataasi lagama garan jirin tan asalka ah ee Ingiriiska. Warbaahinta dunida ayaa iyana lacgataasi ku soo bandhigtay riwaayado iyo bandhigyo kala duwan. Waxaana ka mid ahaa Filim caan ah oo lagu sameeyay Austrai 2007. Jarmalka ayaa soo saaray lacag gaadhaysa £ 810, 610, 134 oo Pound. Samaynta Lacagahaasi Foorjariga ah ayaa iska sii socday ilaa wakhtigii la xidhay xabsiyadii ciidamada Jarmalka 1945-kii. Lacagta ayaa faalso noqonaysa (Noodh , Qadadiic, Electronig) marka ay suuqa soo gasho laguna isticmaalo iyadoon wadan nidaam sharci oo waafaqsan kan lacagaha ee dawladda iyo bangigaga dhexe ogol yihiin, taasi oo dhibaatadeedu saamaynayso bulshada guud ahaan, halka kooxda adeegsatay ay dhaqaalihi dalka dhiiga ka nuugayso kuna naafaynayso. Wuxu ahaa hawlgalkii ugu weynaa ee forjari ah ee dunida ka dhaca.
