Berbera (Dawan): Guddi hoosaadka dhaqaalaha ee golaha Wakiiladda Somaliland ayaa shalay kormeer ku tegay magaaladda Berbera, waxaanay soo kormeereen xafiisyadda hay’adaha dakhli soo saarka ee ku yaalla magaaladaasi.
Gudiddu waxay kulamo la yeesheen masuuliyiinta dekedda Berbera, kuwa dawlada hoose iyo kastamka Berbera, waxaanay wax ka waydiiyeen masuuliyiinta hay’adaasi sida ay u socdaan shaqadda ay qaranka hayaan iyo caqbadaha hor taagan.
Guddoomiyaha gudida dhaqaalaha ee golaha wakiiladda Cumar Axmed Sanweyne, oo warbaainta la hadlay kadib kulamadii ay xafiisyadaasi la yeesheen waxaanu sheegay in socdaalkoodu la xidhiidho sidii ay ugu kuurgali lahaayeen hay’adaha dakhli soo saarka ee gobolka Saaxil.
Xildhibaan Cumar Axmed Sanwayne, oo faahfaahin ka bixinayay u jeedadda socdaalkooda iyo masuulyiinta ay kulamadda la yeesheen, waxa uu yidhi “Hawshan aan u soconaa waa hawl qaran, ilaha dhaqaaluhu ka soo baxaan iyo miisaaniyadu ayay ka mid tahay Berbera, oo ay ugu horaysaa wadanka oo dhan. Markaa haddii aanu miisaaniyadii sanadka gacanta ku hayno oo golaha wakiiladda la keenay sanad wal bana waxaanu tagnaa ilaa dhaqaaluhu ka soo baxaan dalka. Waanan tagnaa waxa aanu soo marnay kastamka magaaladda Berbera, dekedda iyo dawlada hoose”.
“Waxaanu la soo kulanay masuuliyiintii hay’adahaasi maamulayay, arrimahaasi oo dhan waxa uga soconaa in aanu eegno baahiyaha hay’adahaas. Waayo miisaaniyadda wax baa ugu jira, arrinta aabad ee aan wadnay waxa weeyi xeerar ayaa jira cusub oo golaha wakiilada la keenay, oo aan gudo gali doono oo kale ah xeerka kastamada oo ka hadlaya qaynuunkii kastamada wadanka io kii maamul wanaaga waa xeerar huhiima oo badalaya xeerarkii hore ee jiray badalaya”ayuu yidi xildhibaan Sanweyne.
Dhinaca kale gudi hoosaadka arrimaha bulshadda ee golaha wakiilada ayaa shalay socdaal ku tegay magaalada Burco ee xarunta gobolka Togdheer, waxaanay soo kormeereen xarunta Wasaaradda waxbarashada ee gobolka Togdheer iyo dugsiyada magaalada Burco.Waxaanay gudiddu kulamo la yeehseen madxda wasaaradda waxbarashada ee gobolka Togdheer oo ay wax ka waydiiyeen habsami u socodka waxbarshad Togdheer iyo wixii caqabado ah ee jira.
Dawannews Hargeysa office
