Shirkad dayaaradeed oo laga leeyahay dalka Malaysiya ayaa bilaabaysa toddobaadka duulimaadyadeedii u horeeyay iyada oo fulinaysa hab dhaqanka cuntada xalaasha ah iyo lebiska shareecada islaamka.
Waxa ay marka hore ka bilaabaysaa duulimaadka gudaha dalka, kadibna duulimaadyada caalamiga ah, sidaasna waxa sheegay maamulaha shirkada Jaafar Zamhari salaasadii.
SHirkada ayaan loo oggoleyn wax khamri ah in lagu cabo dusheeda,islmarkaana ku bixinaysa duulimaadka inta lagu jiro cuntada xalaasha ah oo keliya.
Waxa uu intaa raaciyay in shaqaalaha haweenka ah ay qasab ku tahay in ay xidhaan xijaabka, islamarkaana kuwa aan muslimka ahayn ay iyana xidhaan dhar asturan.
Jaafar waxa kale oo uu sheegay in salaadaha iyo ducooyinka kalba la fulin doono duulimaaadka kasta ka hor intaanu bilaaban.
Shirkaddan cusub ayaa leh shaqaale dhan 355 qof oo ay ku jiraan siddeed duuliye iyo 50 shaqaalaha duulimaadyada raaca ah.
Shirkadda oo la yidhaa Rayani Air waxa ay leedahay laba dayuuradood oo noocoodu yahay Boeing 737-400 .
Waxa ay shirkaddu qorsheynaysaa in ay sii fidiso duulimaadyadeeda Aasiya sannadka soo socda iyada oo sameyn doonta duulimaadyo u tegaya Sucuudi carabiya xajka iyo cumrada.
