Khubaro u dhalatay Israel ayaa soo saartay qalab cusub oo biyaha ka saari kara Fayrasyada ku jira, kuwaas oo awood u leh inay nooc walba iyo sees walba ka saaraan biyahaasi , waxaanay tani sahlaysaa in biyaha si fudud lagu nadiifin karo.
Khabiir lagu magcaabo Moshe Herzberg oo cilmi baadhe ka ah jaamacadda Ben-Gurion University ayaa sheegay in biyaha oo laga saaro dhamaan wixii Viruse ahi ay noqotay mid muhiim ah oo lagu dedaalo xalinta dhibaatadeeda.
Viruse ka ay la dagalaamayaan khubaradan ayaa inta badan ah ka laga helo meelaha Wabiyada iyo Harooyinka ah, kuwaas oo la filaayo in sannadaha soo socda la isticmaalo biyahooda.
Khubaradan Saynisyahanada ah ayaa rumaysan in biyaha meelaha biyo xidheenada ah , wabiyada iyo goobaha xayawaanada lagu xanaaneeyo ay khatar badan ugu sugan yihiin biyaha Viruse ka ku jira , waxaanay dhowaan sheegeen khubaro caafimaad inay jiraan walxo caagag ka samaysan oo biyaha ka dhiga kuwo wasakhaysan.
Waxaanay intaasi ku dareen in biyahaasi wasakhaysani yihiin kuwo wax weyn ka bedela maskaxda kaluunka biyahaasi ku nool, sidoo kalena ay wax u dhinto habka taranka ee kaluunka.
Khabiirkan iyo khubarada kale ee la saaxiibka ah ayaa bilaabay inay ka saaraan biyaha wasakhda ku jirta , kuwaas oo ay kamid yihiin Viruse-ka iyo waxyaalo kale oo badan.
Qalabkan ay soo saareen ayaa ah mid ka wada saaraaya Germis badan iyo sidoo kalena Viruse aad u tiro badan.
Warbixintan oo lagu daabacay wargeyska Daily Mail oo uu wargeyska Dawan kazoo xigtay ayaa sheegay inay rumaysan yihiin inay qalabkan si toosa ugu guulaystaan inay biyaha kaga sifeeyaan dhamaan xashiiska iyo Fayraska ku jira .
Saynisyahankan ayaa sidoo kalena sheegay in ay yarayn karaan Viruse kasta oo ka gudbi kara biyaha una gudbi kara xiidmaha dadka bani aadmiga ah iyo jidhka intiisa kale, kaas oo biyahaas ku jira.