Hargaysa (Dawan)- Maareeyaha Wakaaladda Biyaha Hargaysa, Badhasaabka gobolka Maroodijeex iyo gudidda booyadaha ee biyaha u dhaamiya xaafado ka mid ah magaalada Hargaysa ayaa si wadda jir ah u beeniyay in booayah biyuhu ay kor dhiyeen qiimaha biyaha.
Mareeyaha wakaalada biyaha Hargaysa Maxamed Cali Daarood, guddoomiyaha gobolka Maroodijeex Cabdilaahi Jibriil Gaaxnuug (Buraale), iyo gudidda booyadaha Hargaysa oo shalay si wada jir ah shir jaar’id ugu qabtay xarunta wakaaladda biyaha Hargaysa, oo kulan yeeshay waxay ka wada hadlay sidii hoos loogu dhigi lahaa qiimo kordhin ay sameeyeen booyadaha biyuhu.
Waxaanay cadeeyeen maareeyaha wakaaladda biyaha iyo badhasaabka gobolku in gudidda booyadaha biyaha Hargaysa u soo dhaamiya ay ka wada hadleen sidii ay u beenin lahaayeen qiimo kordhin la sheegay in ay ku sameeyeen biyaha ay qoysaska ka iibiyaan.
Mareeyaha wakaalada biyaha Hargaysa Maxamed Cali Daarood, ayaa sheegay in aanay jirin qiimo kordhin ay biyaha ku kordhiyeen booyaha biyaha Hargaysa. waxaanu yidhi “Waxaan doonaynaa in aan ka hadalno arrimo isa soo tarayay oo ah booyadaha biyaha Hargaysa keena oo kordhiyay qiimihii biyaha. Waxaanan arrintaa ka wada hadalnay ururka booyadaha ee Hargaysa, sidii arrintaa wax looga qaban lahaa.
Wakaaladda biyaha ee Hargaysa iyadaa ka masuul ah biyaha, waxaana jira wada shaqayn ka dhaxaysa gudidda booyadaha iyo wakaaladda biyaha Hargaysa.iyo sidii aanu ula socon lahayn sidii biyaha ay keenayaan u noqon la hayeen kuwo shacabku awooodi karaan, oo ay iibsan karaan.
Waxaanay wakaaladda biyuhu Kabtaa cashuurta wada marista ee booyahaha, wakaaladda biyaha wax lacag ah oo ay kordhisay ma jirto, kaalmuhuna ma kordhin karaan qiimaha biyaha, waanan daba-geli doonaa ka wakaalad ahaan.”
Guddoomiyaha gobolka Maroodijeex Cabdilaahi Jibriil Gaaxnuug (Buraale), oo isna halkaa ka hadlay ayaa ku eedeeyay biyooleyaasha Dameer-leyaaasha ka ganacsada biyaha in ay saaraan qiimo badan biyaha ay ka soo iibsadaan kaalmaha biyaha.
“Kaalmaha biyuhu Dameeradda waxay ka qaadaan 1700 oo shillinka Somaliland sh, xaafadaha-na waxay ka qaadaan 20,000 kun oo shillin, dadweynaha waxaan leeyahay haka aqbalina 1700 ayaa laga soo sii yaaye.
Waxaanan leeyahay Dameer-leyaasha ka daaya qiimaha waxa sii’idka ah ee aad saaraysaan biyaha” ayuu yidhi badhasaabka gobolka Maroodijeex.
Sidoo kale waxa isna halkaasi ka hadlay mid ka mid ah gudidda booyadaha biyaha Hargaysa u soo dhaamiya, waxaanu soo jeediyay in wax laga qabto wixii tabasho ah ee ay qabaan bulshadu oo ay ugu muhiimsan tahay waddo xumo haysta booyadaha biyaha keena magaalada Hargaysa.
Dawannews Hargeysa office