Maal-Qabeenka Maxaad U Dhaleecaysaa?

0
30

George Bernard wuxu ahaa qoraa u dhashay dalka Ireland dhamaadkii qarnigii 19aad wuxu ahaa raga aad wax uga qoray suugaanta, cilmiga bulshada iyo siyaasadda.  Waxaana uu ka tirsanaa dadkii abuuray ururkii  “The Fabian Society” oo dadka saboolka ah u doodi jiray. Odhaahda hadalka iyo jawaabaheeda ayuu si dhakhso ah u heli jiray marka qof kasta wax weydiiyo.

Maalin ayay gabadhi ku tidhi :”George haddii aan is guursano ka waran? George ayaa ugu jawaabay oo maxaynu ka faa’iidaynaa?

Gabadhii ayaa ku jawaabtay :” waxaynu iska dhali caruur caqli badan sidaada oo qurux badan sidayda?”  Isaguna wuxu ugu jawaabay :” Ka waran hadday sida kaleba u dhacdo oo aynu iska dhalo , Caruur sidaada caqli xun, oo sidaydana fool xun”. Isaugu wuxu ahaa nin dhuuban oo gadhweyn oo madaxiisuna xiiran yahay oo bidaar leh, waxa uu u muujiyay in sida ay jeceshahay iyo  arinka ay neceb tahay ay yihiin kuwo siman.

Maalin kale nin maalqabeen ah oo ka cadhaysnaa dadka danyarta ah ee uu afhayeenka u noqday xaaladahoodna ka waramo  ayaa ku yidhi :” “George, maxaad maalin walba lacagta iyo dadka hodonka ah u hadal haysaa oo wax uga qortaa oo wargeysyada iyo warbaahinta u gelisa?’.

George ayaa ugu jawaabay “ maxaad jeclayd inaan ka hadalo”? Hantiilaha ayaa ku yidhi :” Akhlaaqda iyo naxariista”.  Waxaana uu ku yidhi :” Waa waxa ka maqan adiga”.

 

LEAVE A REPLY

Please enter your comment!
Please enter your name here