Khadar.M.Dhako.
Hargaysa(Dawan):- Wasiiru dawlihii hore ee Wasaarada Arimaha dibedda Somaliland ahna Guddoomiyaha Jaamacada Edna Adan Maxamed Mixile Boqore ayaa sheegay in aanu uga baqayn in dadweynaha gobolka Awdal in ay ku kacaan falal lid ku ah dalka.
Maxamed Mixile Boqore oo shalay u waramayay qaar ka mida Warbaahinta ayaa sheegay in gobolka Awdal uu yahay halkii lagu soo dhisay,isla markaana aan looga baran in ay wax yeeleeyaan Qaranka Somaliland.
Maxamed Mixile Boqore oo arrimahaa ka hadlayayna waxa uu yidhi“Reer Awdal ugama baqayo in ay Somaliland dumiyaan waayo? waa halkii lagu soo dhisay Somaliland Saami qaysiga kuraasta Golaha Wakiilada reer Awdal waa ka simanyihiin Madaxweynaha way ka ballameen,wixii la doonayo waa in nabedgalyo lagu doono mana aha bulshada gobolka Awdal bulsho ku dheereysa colaadaha waana dad nabadeed wax colaad keenaya loogama baran oo ay wax ku yeelaan qaranka Somaliland wax kasta doonistoodu ha noqotee,”.
Maxamed Mixile Boqore ayaa waxa uu sheegay in aanay qabiil ku salaysnan dhalinyaro magaalada Boorama xiliyada habeenkii koox koox isku weerara.