Khadar.M.Dhako.
Hargaysa(Dawan):-Komishanka Maamul Wanaagga iyo la Dagaalanka Musuqmaasuqa Somaliland ayaa Tababar lagaga hadlayay Musuqmaasuqa usoo xidhay qaar ka mid ah Shaqaalaha Hay,adaha dawlada.
Liibaan Ismaciil Cabdilaahi oo xidhitaankii kulankaasi hadal ka jeediyay ayaa sheegay in Tababarkan lagaga hadlayay sidii hay,aduhu u noqon lahaayeen kuwo ku dhisan Mabaadii’da Komishanka Maamul wanaagga iyo la Dagaalanka Musuqmaasuqa,
Liibaan Ismaaciil Cabdilaahi oo Arimahaasi ka hadlayayna waxa uu yidhi“Sidii hay,adaha Dawladdu u noqon lahaayeen kuwo ku dhisan Maamul Wanaagga annaga oo ka duulayna Qorshaha labaad ee Qaranka oo ka duulayna Waajibaadka uu u xil saaranyahay Komishanka Maamul Wanaaga iyo Dagaalanka Musuqmaasuqa,annaga oo ka duulayna ballan qaadyadii ku qornaa buugii olalaha Xisbiga KULMIYE oo ka Duulayna Himilada Madaxweynaha Somaliland Muuse Biixi Cabdi. waxa aanu doonaynaa in Hay,adaha Dawladda dhamaantood noqdaan kuwo ku dhisma oo ku dhaqma oo fuliya Mabaadiida Komishanka Maamul Wanaaga,waxaanan doonaynaa sidii loo sugi lahaa waxqabadka laamaha Dawladda sida ay u wada Shaqaynayaan iyo meelaha ay ka wada Shaqaynayaan iyo xogta sida ay isku dhaafsanayaan,”.
Sidoo kale Guddoomiye ku xigeenka Komishanka maamul wanaaga iyo la Dagaalanka Musuqmaasuqa Maxamed Aadan Xirsi oo isaguna halkaas ka hadlay ayaa sheegay in Komishanka Maamul Wanaaga iyo la Dagaalanka Musuqmaasuqu u xil Saaranyahay in Hay,adaha Dawladda ka Wacyigeliyaan Maamul xumada iyo waxa keenaya Musuqmaasuqa.