Qore:Khadar.M.Dhako.
Hargaysa(Dawan):-Guddoomiyaha Xisbiga Mucaaradka ah ee UCID Eng Faysal Cali Waraabe,ayaa soo dhaweeyay heshiiska iyo wada hadalkii lagu soo afjaray Khilaafkii u dhaxeeyay Xukuumadda Somaliland iyo Jabhadii kornayl Siciid Cawil Caarre.
Waxaanu ku bogaadiyay madaxdhaqameedkii hawshaa ka soo shaqeeyay iyo xukuumadda oo wada jir arrintaa uga wada socday iyo Cornayl Caarre oo nabad qaaday isla markaana diiday in uu cadaw ku noqdo Somaliland.
Waxaa kale oo uu guddoomiye Faysal Cali Waraabe jawaab adag ka bixiyay hadal ka soo yeedhay qaar ka mid ah madaxd dawladda calmku wardiyeeyo ee Muqdisho.
Guddoomiyaha UCID oo ugu horrayn ka hadlayay soo afjaridda arrinta jabhadda Kornayl Caarre,ayaa yidhi “Waxaan u mahadnaqayaa dadkii ka soo shaqeeyay in ay soo dhamaato arintaa Jabhadii Caarre oo ugu horreeyo Suldaan Maxamed Xirsi Xirsi Qani ALLE Caafimaad ha siiyo iyo intii kale ee gacanta siisayba,waxaanan ku hambalyaynayaa Kornayl Caarre oo wax kasta lagu baayacay oo diiday in uu calanka Soomaliya qaato,dad badan oo cadaw ahi Maanta way daadan doonaan waxaanan jecelay waxyaabaha kale ee inoo hadhsanna in sidaas oo kale ay ku dhamaadaan waxa kale oo aan Hambalyaynayaa dadkii Ceel-afwayn nabadda ka dhaliyay,”.
Guddoomiye Faysal oo jawaab ka bixiyay hadal ka soo yeedhay qaar ka mid ah madaxda Muqdisho lagu waardiyeeyo,ayaa sheegay in Somaliland ay awood u leedahay in ay iska difaacdo cadaw kasta oo isku daya in uu qaranka Somaliland waxyeello u geysto,waxaanu intaa ku daray in Somaliland aanay marnabadiyaar u ahayn in ay cid dulmido isla markaana aanay cidna ka aqbalayn in ay ku soo xad gudbaan qarannimada Somaliland.“Somaliland cid ka xoog wayni majirto hadday is yidhaahdeen buuqaa yar ayay ku taag daran yihiin ma taag darnin dulmi annagu ma rabno,Taariikhda waligeed lagama guulaysan Somaliland dib iskugu noqda ayaan leeyahay ninki lahaa Somaliland ha lala xisaabtamo.”.