Mar keliya ayay rakaabka dayuuradda aragagax ku dhacay kuwaasi oo la socday dayuurad hawada ku jirtay oo ay leedahay shirkadda Raven Alaska ee Maraykanku , ka dib markii Mas uu ka soo baxay shandad lagu qarinayay.
Maskan ayaa dhex jibaaxay rakaabka argagaxsan. Laakiin nasiib wanaag gabadh ka mid shaqaalaha Dayuuradda ayaa si fudud uga badbaadisay rakaabka Maskana cadhaysnaa, isagoo aan markaasi qofna waxba yeelin. Gabadha shaqaalaha ah ayaa la sheegtay inay ahayd gabadh hore loogu tababaray inay Masaska iyo abeesooyinka haddii duulimaadka dhexdiisa ay la kulanto ay si fudud u qabto, madaama dadku ay shandadaha ku soo qaataan.
Duuliyaha ayaa rakaabka u sheegay inay is dejiyaan hawshii Maskana ay dhamaatay lana qabtay qof kastana uu amaan ku yahay dayuuradda dhexdeeda iyadoo markii danbe nabad qab ku degtay madaarkii ay ku jihaysnayd. Waxaana ay muujisay in qof keliya oo khibrad iyo tababar lihi uu badbaadin karo dad tiro ahaan ka badan.