Hargeysa-(Dawan)- Madaxweynaha Jamhuuriyadda Somaliland, Mudane Muuse Biixi Cabdi ayaa Xilkii ka qaaday Maareeyaha Ha’yadda Duulista.
Wareegtooyin kasoo baxday Xafiiska Madaxweynaha oo gaadhay Wargeyska Dawan ayaa u dhignayd Sidan:-
Ku: Cabdi Maxamed Rodol,
Maareeyihii Guud ee hore ee Hay’adda Duulista iyo Madaarada
Og: Wasiirka Wasaaradda Gaadiidka iyo Horumarinta Jidadka
Ujeeddo: Xil Ka-qaadis
Sida aad la socoto, xilka Qaranka ayey dabcigiisa tahay in uu meerto noqdo, oo hadba loo igmado ciddii hanan karta. Sidaa darteed, waxaan gartay in laga bilaabo taariikhda maanta aan kaa qaado xilkii aad haysay. Waxaan kaaga mahad-celinayaa muddadii aad haysay xilka Qaranka.
Ujeeddo: Magacaabid
Markaan Arkay: Dastuurka Jamhuuriyadda Somaliland, Qodobka 90aad,
Markaan Tix-geliyey: Ahmiyadda ay Hay’adda Duulista iyo Madaaradu u leedahay Dhismaha Qaranka;
Markaan Arkay: Aqoontiisa, Kartidiisa, iyo Waaya-aragnimadiisa;
Markaan Arkay: In uu Hanan Karo Masuuliyadda ka Dhalanaysa Xilkan;
Waxaan Go’aamiyey;
In Mudane, Cumar-sayid Cabdillaahi Aadan Qalinle laga bilaabo taariikhda maanta uu ahaado Maareeyaha Guud ee Hay’adda Duulista iyo Madaarada Jamhuuriyadda Somaliland.