Naadiga kubadda cagta Komishanka Maamul-Wanaaga Hargaysa ayaa ku guuleysatay Horyaaalka heerka 3-aad ee caasimada, sidaasna kaga mid noqday naadiyada xili-ciyaareedka 2023 ka ciyaari doona horyaalka heerka 2aad ee (Capital League2).
Tabobaraha kooxda Komishanka Maamul-wanaagga oo ka hadlay guusha ay kooxdiisu gaadhay, isla markaana ay ku guuleysatay horyaalka heerka 3aad ee caasimadda Hargeysa.
Macallinka kooxda Komishanka Maamul-wanaaggana waxa mid ahaa hadalladiisii. “Muddo siddeed bilood ah ayaanu dedaalkan soo wadnay, dedaalkayagaasna lama odhan karo meel keliya ayuu ku kooban yahay, haddii aynu eegno guulaha aanu gaadhnay meelo badan ayay ka imanayeen oo ay ugu weynayd ciyaartoyda oo adkaysi badan oo ay ka go’nayd inay koobka qaadaan, ta labaad komishanka maamul wanaagga ayaa iyaguna aad noola shaqeeyay. Maantana halkii aanu doonaynay ayaanu taaganahay, waxaananu rejaynaynaa inaanu halkaa meel kasii sareysa gaadhi doono.”
