Hargeysa(Dawan)Ciidanka Dab-demiska Caasimadda Hargeysa ayaa habeen nimadii Salaasada 2:30 habeenimo ka soo badbaadiyay 14 Qof oo deganaa dhisme Saddex dabaq ah oo dab qabsaday oo ku yaalla badhtamaha Hargeysa.
Ciidanka Dab-demiska oo ka hawlgalay daminta dabka ka kacay fooqa ku yaala agagaarka suuqa Heegada ayaa ku guulaystay in ay damiyaan oo xakameeeyay in aanu ku fidin dabku fooqyo badan oo ka ag dhawaa,waxaana la badbaadiyay hantidii taalay.
Sidoo kale Taliyaha Ciidanka Dab-demiska Somaliland Sarreeye guuto Axmed Maxamed Xasan (Sawaaxili) ayaa usoo jeediyay dadweynuhu in ay ka waantoobaan dhismeyaasha kala duwan iyo fooqyada laga hor dhisayo Jiingadaha iyo Buulasha kuwaas oo Sababi kara in uu Dab ka kaco.