Masuuliyiinta Indonesiya ayaa xaqiijiyay in burbur iyo maydad laga helay badda Java ee ka baxsan Borneo ay yihiin kuwo ka yimi duulimaadkii dayaaradii shirkadda AirAsia QZ8501 ee hawada laga waayay Axaddii.
Tony Fernandes oo ka tirsan shirkadda AirAsia ayaa ku macneeyay warkaasi inuu ahaa masiibo ku habsatay.
Madaxweyne Joko Widodo ayaa u sheegay warbaahinta inuu u tilmaamay kooxaha baadhitaanka wada inay diiradda saaraan sidii ay u heli lahaayeen rakaabkii iyo shaqaalihii.
Dayaaradda burburtay oo ahayd Airbus A320-200, ayaa siday 162 qof oo ka yimi Surabaya – Indonesia, una socday Singapore, markii la waayay Axaddii.
Madaxa kooxda hawlgalka baadhista, Bambang Soelistyo, ayaa sheegay in ay heleen ilaa saddex mayd ah oo aanay ahayn sidii hore loo shaaciyay 40.
Maalintii saddexaad ee baadhista ayaa la helay burburka. Sida uu sheegay afhayeen u hadlay ciidamada badda wax haatan lagu mashquul yahay hawlgalkii.
