Xoghayaha gaashaandhigga Maraykanka Ashton Carter ayaa sheegtay in ay ciidamada Ciraaq ee ku sugan magaalada Ramadi ay muujiyeen niyad jab iyo in aanay haynin wax niyad ah oo ay kula dagaalamaan xoogaga dawladda islaamiyiinta.
Mr Carter ayaa u sheegay CNN in ay inkasta oo ay ka tiro badan yihiin ciidamada IS haddana ay doorteen in ay cagaha wax ka dayaan.
Haseyeeshee madaxa guddida ammaanka ee Ciraaq ayaa ku gacan saydhay kuna tilmaamay war aan sal lahayn.
Dawladda Ciraaq ayaa haatan dhigtay ciidamo shiico ah aagaasi si ay isugu dayaan in ay hor joogsadaan si aany Daacish hore ugu soo socon.
Maleeshiyada ayaa sabtidii dib u qabsatay Husayba, oo ku taal bariga Ramadi, waa caasimada gobolka Anbar , iyada oohalkaasi uu ka socday axadii dagaal culus.
