Burco(Dawan)- Alle ha u naxariistee laba qof ayaa ku dhintay toban kalena, way ku dhaawacmeen ka dib markii Gaadhi ay la socdeen kula qalibmay duleedka tuullada Qoyta oo dhinaca galbeed ka xigta magaalada Burco.
Gaadhigan oo noociisu ahaa NOHA, ayaa la sheegay inuu ka yimid degmada Buuhoodle kuna socday magaalada Hargeysa. dadkii ku dhaawacmay shilkan ayaa la soo gaadhsiiyay cisbitaalka guud ee magaalada Burco oo lagu dawaynayo masuuliyinta caafimaadka ee gobolka Togdheer ayaa xaqiijiyay in laba ka mida dhaawacoodu culus yahay.
Sida la ogyahay waxa maalinba ta xigta kor u sii badanaya shilalka gaadiidka ee guud ahaan Somaliland oo geysta khasaare naf iyo maalba iskugu jira.
Khadar M. Dhako
Dawannews Hargeysa office
