Maxkamad ku taal Kenya ayaa bilowday dhegaysiga dacwad ay ku soo oogtey dawladda haweenay Imaaraatka carabta ah (UAE) oo sheegtay in ay qabteen oo ay xidheen ciidamada gaarka ah ee Kenya, ayna u qaadeen Somaliya and Ethiopia, islamarkaana ay ciqaabeen.
Kamilya Mohammedi Tuweni waxa ay sheegtey in lagu eedeeyay wakiil Al-qaacida ah iyada oo socdaal ku tagtey Kenya sannadkii 2007.
Ms Tuweni ayaa la sii daayay markii ay xidhneyd 72 cisho , wax sabab ahna lagama siin xadhigeeda.
Madaxa ka hortagga argagixisada Kenya ayaa dafirey eedeyntaasi.
Kiiskan ayaa dib loo dhigey ilaa 29 Oktober.
Ms Tuweni ayaa ka dooneysa dawladda Kenya magdhaw maaliyadeed, waxaaney dalbaneysaa in la siiyo raalligelin.
Ms Tuweni ayaa ku dhalatey Zanzibar, balse waqtigan waa muwaadinad Imaraatka ( UAE), mana heysato dhalasho Tansaaniya ah.
