Bangiga Adduunka ayaa hakiyay afar mashruuc oo uu ka waday Afgaanistaan oo ku kacaya $600m (£458m), kaddib markii Taliban ay mamnuucday gabdhaha inay ku laabtaan dugsiyada sare.
Ujeedooyinka mashaariicda waxaa ka mid ahaa horumarinta waxbarashada, caafimaadka iyo beeraha.
Waxay sidoo kale lahaayeen “xoog xooggan oo lagu hubinayo in gabdhaha iyo haweenku ay ka qaybqaataan oo ay ka faa’iidaystaan taageerada,” bangiga ayaa sidaa sheegay.
Toddobaadkii hore, Taliban waxay ka laabatay go’aan ay ku ogolaatay in dugsiyada la furo ka dib bilo ay xidhnaayeen.
Taalibaan waxay sheegtay in iskuulada dib loo furi doono kaliya ka dib marka go’aan ku saabsan labiska gabdhaha ardayda ee dhigata dugsiga sare la gaadho si waafaqsan “sharciga shareecada iyo dhaqanka Afgaanistaan”.
Talaabadan ayaa waxaa canbaareeyay beesha caalamka,halka sabtidii ay dad mudaaharaadayaal ahi isugu soo baxeen meel ku dhow wasaaradda waxbarashada ee caasimadda dalkaasi ee Kabul,iyaga oo dalbanaya in dib loo furo dugsiyada.
Mashruucyada Bangiga Adduunka waxaa loogu talagalay in haweenka iyo gabdhaha la siiyo adeegyo badan oo Afgaanistaan ah, sida ragga.
Waxa maalgeliya Sanduuqa Dib-u-dhiska Afgaanistaan (ARTF), kaas oo la xayiray sannadkii hore ka dib markii Taliban ay la wareegeen talada dalka.
Bilowgii bishan, golaha fulinta ee bangiga adduunka ayaa ansixiyay qorshe lagu isticmaalayo in ka badan $1bn oo sanduuqa ka mid ah si loogu taageero “baahiyaha degdega ah” oo ay ku jiraan kuwa waxbarashada, beeraha iyo caafimaadka.
Sida uu qorshuhu yahay, lacagtan ayaan lagu wareejin doonin maamulka Taalibaan, taas beddelkeedana waxaa loo qaybin lahaa hay’adaha Qaramada Midoobay iyo kooxaha gargaarka.
Masruucan ARTF waxa lagu fulinayey afar mashruuc oo ku baxayso in ku dhow $600m waxaana ay ahaayeen baahiyaha degdegga ah ee dhinacyada waxbarashada, caafimaadka, iyo beeraha, iyo sidoo kale hab-nololeedka bulshada,” Bankiga ayaa sidaa soosaaray 1-dii March.
Jimcihii, bayaan ay si wadajir ah u soo saareen mas’uuliyiin ka kala socday 10 dal oo ay ku jiraan Maraykanka iyo UK, ayaa ku tilmaamay ficillada Taliban mid “wax laga xumaado”.
Wasaaradda arrimaha dibadda ee Maraykanka ayaa sidoo kale baajisay kulamadii ay la lahayd kooxda Taliban, kaasoo lagu waday inuu ka dhaco dalka Qatar.